ମୁକ୍ତା ଦକ୍ଷତା ବିକାଶ କାର୍ଯ୍ୟକ୍ରମ ଆୟୋଜିତ ।

କୋଦଳା,୨୫/୦୧(ପିପିଟି):କୋଦଳା ବିଜ୍ଞାପିତ ଅଞ୍ଚଳ ପରିଷଦ କଲ୍ୟାଣ ମଣ୍ଡପ ପରିସରରେ ମୁଖ୍ୟମନ୍ତ୍ରୀ କର୍ମତତ୍ପର ଅଭିଯାନର ଦକ୍ଷତା ବିକାଶ ନିମନ୍ତେ ମିଶନଶକ୍ତି ଗୋଷ୍ଠୀ ମା ମାନଙ୍କୁ ନେଇ ଏକ ତାଲିମ ଶିବିର ଅନୁଷ୍ଠିତ ହୋଇଯାଇଛି । ମୁକ୍ତା ଯୋଜନା ଦ୍ୱାରା ମହିଳାମାନେ ସ୍ୱାବଲମ୍ବୀ ହେବାସହ ବିଭିନ୍ନ ଯୋଜନାର ସଦୁପୋଯୋଗ କରି ନିଜେ ନିଜର ରୋଜଗାରକ୍ଷମ ହୋଇପାରିବେ,ଏହି ଯୋଜନାକୁ କେମିତି ସୁଚାରୁରୂପେ ପରିଚାଳନା କରିବେ ତାହାକୁ ନେଇ ଏଲଇଡ଼ି ମାଧ୍ୟମ ରେ ଭିଡିଓ ବାର୍ତ୍ତା ଦ୍ୱାରା ବିଭାଗୀୟ ମୁଖ୍ୟଙ୍କ ଠାରୁ ତାଲିମ ପାଇଥିଲେ !ଆଜି ପ୍ରଥମ ତାଲିମ ଶିବିର ହୋଇଥିବା ବେଳେ ୱାର୍ଡ ନଂ ୧ ବି. ନୂଆପଲି ର ମିଶନଶକ୍ତି ମା ମାନେ ତାଲିମ ନେଇଥିଲେ, ପର୍ଯ୍ୟାୟ କ୍ରମେ ବିଭିନ୍ନ ୱାର୍ଡ ମହିଳା ମା ଙ୍କୁ ନେଇ ଆସନ୍ତା ଫେବୃଆରୀ ୨୩ ପର୍ଯ୍ୟନ୍ତ ଏହି କାର୍ଯ୍ୟକ୍ରମ ଚାଲୁ ରହିବ ବୋଲି କୋଦଳା ଏନଏସି ମୁକ୍ତା ଟିମ ପ୍ରକାଶ କରିଛନ୍ତି ।ଆଜିର ଏହି କାର୍ଯ୍ୟକ୍ରମରେ ଏନ୍ଏସି ର ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ ।

(ରିପୋର୍ଟ- ସୂର୍ଯ୍ୟନାରାୟଣ ବଡୁ।)