ପ୍ରସିଦ୍ଧ ଗୌରୀଆମ୍ମା ଯାତ୍ରା ପାଇଁ ପ୍ରସ୍ତୁତି ବୈଠକ।
ପୋଲସରା ,୨୧/୦୪(ପିପିଟି) :ଚଳିତ ବର୍ଷ ହେବାକୁ ଥିବା ପଞ୍ଚବାର୍ଷିକୀ ଶ୍ରୀଶ୍ରୀ ଗୌରୀଆମ୍ମା ଯାତ୍ରା ସକାଶେ ଯାତ୍ରା କମିଟି ପକ୍ଷରୁ ଏକ ପ୍ରସ୍ତୁତି ବୈଠକ ସଭାପତି ଡଃ ଜ୍ୟୋତିର୍ମୟ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି ।
ସ୍ଥାନୀୟ ରତନୀ ଠାକୁରାଣୀଙ୍କ ମନ୍ଦିର କାର୍ଯ୍ୟାଳୟରେ ଆୟୋଜିତ ବୈଠକରେ ସମ୍ପାଦକ ମନୋଜ କୁମାର ପଟ୍ଟନାୟକ, ଯାତ୍ରା ସଭାପତି ରଘୁନାଥ ସାହୁଙ୍କ ସମେତ ପ୍ରତାପ ପତି, ଦୁର୍ଯ୍ୟୋଧନ ସାହୁ, କାମରାଜୁ ପାତ୍ର, ପ୍ରଦୀପ ଚନ୍ଦ୍ର ସାହୁ, ସୁଦାମ ସାହୁ ମହେଶ୍ଵର ଜେନା ଓ ରମେଶ ଚନ୍ଦ୍ର ମିଶ୍ର ପ୍ରମୁଖ ସଭ୍ୟବୃନ୍ଦ ଯୋଗଦେଇଥିବା ବେଳେ ଦେଗାଙ୍ଗୁଳୁ ସଂପ୍ରଦାୟର ସେନାପତି ଆର୍. ବାବୁ ଦଳବେହେରା ଏବଂ ସଭାପତି ଏନ୍. ଭାସ୍କର ରାଓ ଉପସ୍ଥିତ ଥିଲେ ।ଏହି ଅବସରରେ ଆସନ୍ତା କାର୍ତ୍ତିକ ମାସ ତା: ୨୮/୧୦/୨୬ ବୁଧବାର କୃଷ୍ଣପକ୍ଷ ତୃତୀୟା ତିଥି ଦିବସ ଠାରୁ ଆରମ୍ଭ ହୋଇ ପରବର୍ତ୍ତୀ ମାର୍ଗଶୀର ମାସ ତା: ୨୯/୧୧/୨୦୨୬ ରବିବାର କୃଷ୍ଣପକ୍ଷ ଷଷ୍ଠୀ ତିଥି ଦିବସ ପର୍ଯ୍ୟନ୍ତ ଦୀର୍ଘ ଏକ ମାସ ପର୍ଯ୍ୟନ୍ତ ହେବାକୁ ଥିବା ଏହି ପାରମ୍ପରିକ ଯାତ୍ରାର ବିଭିନ୍ନ ଦିଗ ଏବଂ ବିଷୟ ଉପରେ ଆଲୋଚନା କରାଯାଇଥିଲା । ଶେଷରେ ସମ୍ପାଦକ ମନୋଜ ପଟ୍ଟନାୟକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ୍: ସନ୍ତୋଷ କୁମାର ପଣ୍ଡା