ଦୁର୍ଘଟଣାରେ ଯୁବକ ମୃତ ।

ଭଞ୍ଜନଗର,୧୦/୧୨(ପିପିଟି):ଭଞ୍ଜନଗର ଥାନା ଅଧୀନ ଡ଼ହ ରାସ୍ତାରେ ଦୁର୍ଘଟଣା ଘଟି ଜଣେ ଯୁବକର ମୃତ୍ୟୁ ଘଟିଛି। ମୃତକ ଜଣକ ହେଲେ ବଡ଼କୋଦଣ୍ଡା ପଞ୍ଚାୟତର ଦଣ୍ଡିପଦର ଗ୍ରାମର କବି ବେହେରାଙ୍କ ପୁଅ ଶିବ ବେହେରା(୩୫)। ସୂଚନା ଅନୁଯାୟୀ, ଶିବ ମିସ୍ତ୍ରୀ କାମ କରୁଥିବା ବେଳେ ଆଜି ଭଞ୍ଜନଗରରେ କାମ ସାରି ଗାଁ କୁ ଫେରୁଥିବା ବେଳେ ଲେପର୍ସି କଲୋନୀ ନିକଟରେ ଚାଲିଥିବା ରାସ୍ତା କାମରେ ଲାଗିଥିବା ଏକ ହିଟାଚି ସହ ଧକ୍କା ହୋଇଥିଲା। ଶିବ ଏଥିରେ ଗୁରୁତର ହୋଇପଡ଼ିବା ଯୋଗୁଁ ତୁରନ୍ତ ସେଠାରୁ ତାକୁ ଉଦ୍ଧାର କରି ଭଞ୍ଜନଗର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଡାକ୍ତର ସେଠାରେ ଶିବକୁ ମୃତ ଘୋଷଣା କରିଥିଲେ। ମୃତକର ବାପା କବି ଏନେଇ ଥାନାରେ ଅଭିଯୋଗ କରିବା ପରେ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

ରିପୋର୍ଟ- (ଜେ.କେ ପଟ୍ଟନାୟକ)