ହାବିଲଦାର କନେଷ୍ଟବଳ ସଂଘର ନିର୍ବାଚନ ଘୋଷଣା।

ମାଲକାନଗିରି,୨୩/୦୧(ପିପିଟି):ମାଲକାନଗିରି ହାବିଲଦାର କନେଷ୍ଟବଳ ସଂଘର ନିର୍ବାଚନ ଫଳାଫଳ ଆଜି ଘୋଷଣା ହୋଇଯାଇଛି। ଆଜି ସଭାପତି ଭାବେ ପ୍ରଶାନ୍ତ କୁମାର ବେହେରା ଜୟଯୁକ୍ତ ହୋଇଥିବା ଜଣାପଡ଼ିଛି।
ସୂଚନାଯୋଗ୍ୟ ଯେ ଗତ ୨୧ ତାରିଖ ଦିନ ଭୋଟ ଆଶାୟୀ ପ୍ରାର୍ଥୀମାନଙ୍କୁ ଭୋଟ ଦେଇଥିଲା ବେଳେ ସଭାପତି ଭାବେ ପ୍ରଶାନ୍ତ କୁମାର ବେହେରା,ସୁଦାମ ପଣ୍ଡା ଓ ଦୁର୍ଗା ପ୍ରସାଦ ଶତପଥୀ ଅର୍ଥାତ୍ ତିନି ଜଣ ଦଣ୍ଡାୟମାନ ହୋଇଥିଲେ। ତନ୍ମଧ୍ୟରୁ ସର୍ବାଧିକ ଭୋଟ ପାଇ ପ୍ରଶାନ୍ତ କୁମାର ବେହେରା ଜୟଯୁକ୍ତ ହୋଇଥିଲେ। ସେହି ପରି ଉପସଭାପତି ଭାବେ ପ୍ରଫୁଲ୍ଲ ଚନ୍ଦ୍ର ଭୂପତି, ସଂପାଦକ ଭାବେ ଗୌର ଚନ୍ଦ୍ର ଚାର୍କୀ,ସହ ସଂପାଦକ ଭାବେ ଇନ୍ଦ୍ର ବିଟେ- ୧,କେ ଶିବରାମ -୨ କୋଷାଧ୍ଯକ୍ଷ
ଭାବେ ପ୍ରହଲ୍ଲାଦ ଶିକ୍ଷା ଜୟଯୁକ୍ତ ହୋଇଥିବା ଜଣାପଡ଼ିଛି। ସେହି ପରି କାର୍ଯ୍ୟକାରିଣୀ ସଦସ୍ୟ ଭାବେ ଚିତ୍ରସେନ ନାୟକ,ପଦ୍ମନ ନାୟକ, କୃଷ୍ଣ ଚନ୍ଦ୍ର ଗୌଡ଼, ମାୟାଧର ସାହୁ,ହର ବିଳାସ ବିଶ୍ବାସ ଜୟଯୁକ୍ତ ହୋଇଥିଲେ।
ଆଜି ସକାଳ ୮ ଘଟିକା ଠାରୁ ଅପରାହ୍ନ ୪ ଘଟିକା ପର୍ଯ୍ୟନ୍ତ ୧୦ ରାଉଣ୍ଡ ଭୋଟ ଗଣତି କରାଯାଇଥିଲା।ଏହି ଗଣତି ଡିପିଓ କନଫରେନ୍ସ ହଲ୍ ରେ ଅନୁଷ୍ଠିତ ହୋଇଥିଲା। ଡିଏସପି ସଚିନ ପଟେଲ ଏବଂ ଏ ଏସପି ତପନ ରଥ କାଉଣ୍ଟି ଅଧିକାରୀ ଭାବେ
ଦାୟିତ୍ଵ ନିର୍ବାହ କରିଥିଲେ। ଆସନ୍ତା କାଲି ନିର୍ବାଚିତ ପ୍ରାର୍ଥୀମାନଙ୍କୁ ମାଲକାନଗିରି ଏସପି ଶପଥ ପାଠ କରିବାର କାର୍ଯ୍ୟକ୍ରମ ରହିଥିବା ଜଣାପଛି।
(ରିପୋର୍ଟ: ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ, ମାଲକାନଗିରି)