ପାହାଡରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର, ମୃତ୍ୟୁ କାରଣ ଅସ୍ପଷ୍ଟ ।

ହିଞ୍ଜିଳିକାଟୁ; ୪/୧୨ (ପିପିଟି) ହିଞ୍ଜିଳି ପୋୖର ପରିଷଦ/ଥାନା ଅନ୍ତର୍ଗତ ୧୦ନଂ ୱାର୍ଡ ସ୍ଥିତ ନୂଆଁଗଡ ମେଣ୍ଢାଖାଇ ପାହାଡ ଭୂତଳ ଜଳଭଣ୍ଡାର ନିକଟ ଏକ ଗଛରୁ ଜଣେ ମହିଳାଙ୍କ ମୃତ ଦେହକୁ ହିଞ୍ଜିଳି ପୁଲିସ ଉଦ୍ଧାର କରିଛି । ମୃତ ମହିଳା ଜଣଙ୍କ ହେଲେ ବ୍ରହ୍ମପୁର ସଦର ଥାନା କାଉଖତ ଗ୍ରାମର ସୁବାସିନି ବିଷୋୟୀ (୩୫) ।ଉକ୍ତ ଘଟଣାକୁ କେନ୍ଦ୍ର କରି ହିଞ୍ଜିଳି ଥାନାରେ କେସ ନଂ- ୩୮/୨୩ ପ୍ରକାରେ ଏକ ଅପମୃତ ମାମଲା ରୁଜୁ କରାଯାଇଛି । ମୃତଦେହକୁ ପୁଲିସ ଜବତ କରିବା ସହ ବ୍ୟବଛେଦ ସକାଶେ ବ୍ରହ୍ମପୁର ବଡ ଡାକ୍ତରଖାନାକୁ ପଠାଇଥିବା ସୂଚନା ମିଳିଛି । ପାରିପାର୍ଶ୍ବିକ ପରିସ୍ଥିତି ଘଟଣାଟି ଆତ୍ମହତ୍ୟା ଜନିତ ଘଟଣା ହୋଇନଥାଇ ପାରେ ବୋଲି ଅଞ୍ଚଳ ବାସିନ୍ଦାଙ୍କ ଆଲୋଚନାରୁ ଶୁଣିବାକୁ ମିଳୁଛି । ସାଧାରଣଙ୍କ ଚର୍ଚ୍ଚା ପ୍ରକାରେ ମୃତା ମହିଳାଙ୍କୁ ମାରି ଉକ୍ତ ଗଛରେ ଲଟକାଇ ଆତ୍ମହତ୍ୟାର ରୂପ ଦେବାକୁ ଚେଷ୍ଟା କରାଯାଇଛି ବୋଲି ବିଭିନ୍ନ ମହଲରେ ଆଲୋଚନା ହେଉଛି ।ଏଣୁ ଏହି ସମ୍ବେଦନଶୀଳ ଘଟଣାର ଉପଯୁକ୍ତତା ତଥ୍ୟ ଶବ ବ୍ୟବଛେଦ ପରେ ମୃତ୍ୟୁର ସଠିକ କାରଣ ଜଣାପଡିବ ବୋଲି ହିଞ୍ଜିଳି ପୁଲିସ ସୂତ୍ରରୁ ପ୍ରକାଶ ।