ଅବକାରୀ ବିଭାଗ ଚଢ଼ାଉ; ୩ଗିରଫ, ଦେଶୀ ମଦ ଜବତ ।

ଭଞ୍ଜନଗର, ୨୪/୮(ପିପିଟି):ଭଞ୍ଜନଗର ଅବକାରୀ ବିଭାଗ ପକ୍ଷରୁ ଆଖପାଖ ଅଞ୍ଚଳରେ ଚଢ଼ାଉ କରି ଦେଶୀ ମଦ ପ୍ରସ୍ତୁତକର୍ତ୍ତା ଓ ବିକ୍ରେତାଙ୍କୁ ଗିରଫ କରିବା ସହ ସେମାନଙ୍କ ଠାରୁ ହାତ ରନ୍ଧା ଦେଶୀ ମହୁଲି ମଦ ଓ ଭାଟି ମଦ ଜବତ କରି ତିନି ଜଣ ଅଭିଯୁକ୍ତଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଛି।ଆସାମୀ ମାନେ ହେଲେ ଅଢ଼େଇ ଗାଁ’ର ଶଙ୍କର ବିଷୋୟୀ (୩୧), ଗାଙ୍ଗପୁରର ପବିତ୍ର ନାୟକ (୩୮) ଓ ଜିଲୁଣ୍ଡା ଗ୍ରାମର ରାଜେନ୍ଦ୍ର ପାତ୍ର (୨୨)।ସେମାନଙ୍କ ଠାରୁ ରନ୍ଧା ଦେଶୀମଦ ୧୦୦ଲିଟର ଓ ବାହାର ଭାଟି ମଦ ୭୦ଲିଟର ଜବତ ହୋଇଛି। ଏହି ଅବକାରୀ ଚଢ଼ାଉ ରେ ଅବକାରୀ ଥାନା ନିରିକ୍ଷକ ଅଂଶୁମାନ ଜେନା,ଏ.ଏସଆଇ ନିରଞ୍ଜନ ବେହେରା ଓ ଭୁବନି ବେହେରା ସହ ସନାତନ ନାହାକ,ସୁବଳ ପ୍ରଧାନ, ଜଗନ୍ନାଥ ମହାପାତ୍ର, କୃଷ୍ଣ ଚନ୍ଦ୍ର ସେଠୀ, ସ୍ୱାଧୀନ ସାହୁ ସାମିଲ ଥିଲେ।

ରିପୋର୍ଟ-ଜେ କେ ପଟ୍ଟନାୟକ