ଭଞ୍ଜନଗର ଥାନାରେ ସଦଭାବନା ଦିବସ ପାଳିତ ।

ଭଞ୍ଜନଗର,୧୮/୮(ପିପିଟି): ଭଞ୍ଜନଗର ଥାନା ପରିସରରେ ଏକତା ଓ ଶାନ୍ତି ପ୍ରତିଷ୍ଠା ପାଇଁ ସଦଭାବନା ଦିବସ ପାଳନ ଅବସରରେ ସମସ୍ତ କର୍ମଚାରୀଙ୍କୁ ନିଜ କାର୍ଯ୍ୟ ଏବଂ ଦାୟିତ୍ୱ କୁ ନେଇ ଶପଥ ପାଠ କରାଯାଇଛି। ଏଥିରେ ଥାନାଧିକାରୀ ଧୀରେଶ କୁମାର ଦାସ,ଏସ୍ଆଇ ମନସ୍ୱିନୀ ମହାନ୍ତି, କେଶବ ଷଢ଼ଙ୍ଗୀ,ଏଏସ୍ଆଇ ବିଶ୍ୱନାଥ ଭୂୟାଁ ଙ୍କ ସମେତ ଥାନାର ସମସ୍ତ ପୋଲିସ କର୍ମଚାରୀମାନେ ଉପସ୍ଥିତ ଥିଲେ। ଏହି ଅବସରରେ ଜାତି, ଧର୍ମ, ସମ୍ପ୍ରଦାୟ, କ୍ଷେତ୍ର ଓ ଭାଷାର ଭେଦଭାବ ବିନା ସମସ୍ତ ଭାରତୀୟଙ୍କ ଭାବନାତ୍ମକ ଏକତା ଏବଂ ସଦଭାବନା ନିମନ୍ତେ କାର୍ଯ୍ୟ କରିବା ଏବଂ ହିଂସାର ଆଶ୍ରୟ ନ ନେଇ ସମସ୍ତ ପ୍ରକାର ମତଭେଦକୁ ଆଲୋଚନା ଓ ସାମ୍ବିଧାନିକ ବିଧି ମୁତାବକ ସମାଧାନ ପାଇଁ ସମସ୍ତେ ଶପଥ ଗ୍ରହଣ କରିଥିଲେ।

ରିପୋର୍ଟ-ଜେ କେ ପଟ୍ଟନାୟକ