ମା କୁଣ୍ଡା ଖାଇ ସେବାସଂଘ ପକ୍ଷରୁ ସରପଞ୍ଚଙ୍କୁ ସମ୍ବର୍ଦ୍ଧନା।

ବୋଲଗଡ,୩୦/୦୭(ପିପିଟି):ବୋଲଗଡ ବ୍ଲକ ଅନ୍ତର୍ଗତ ସାନପଦର ଗ୍ରାମପଞ୍ଚାୟତର ସରପଞ୍ଚ ବୈକୁଣ୍ଠ ଚରଣ ସ୍ୱାଇଁଙ୍କୁ ରାସୋଳ ମା କୁଣ୍ଡାଖାଇ ସେବା ସଙ୍ଘ ପକ୍ଷରୁ ସମ୍ବର୍ଦ୍ଧନା ଦିଆଯାଇଛି। ବିଭିନ୍ନ ଜନହିତକର କାର୍ଯ୍ୟରେ ସାମିଲ ହେବା ସହିତ ଉକ୍ତ ଅନୁଷ୍ଠାନର ବିଭିନ୍ନ ଉର୍ନ୍ନତି ମୂଳକ କାର୍ଯ୍ୟରେ ସହଯୋଗ କରି ଅଛନ୍ତି।ରାସୋଳ ଗ୍ରାମର ପାନୀୟ ସମସ୍ୟାକୁ ସମାଧାନ କରିବା ଓ ରାସୋଳ ଗ୍ରାମର ରାସ୍ତା ସମସ୍ୟାର ମରାମତି କରିଅଛନ୍ତି। ପରିବେଶ ସୁରକ୍ଷା ପାଇଁ ଗ୍ରାମପଞ୍ଚାୟତର ବିଭିନ୍ନ ସ୍ଥାନରେ ଚାରାରୋପଣ କରି ଉଦାହରଣ ପାଲଟି ଥିବାବେଳେ ପ୍ରଶଂସାର ପାତ୍ର ହୋଇଅଛନ୍ତି ।l ମା କୁଣ୍ଡାଖାଇ ସେବାସଙ୍ଘର ବିଭିନ୍ନ ଜନହିତକର କାର୍ଯ୍ୟରେ ଯୋଗ ଦେଇ ନିଜକୁ ସାମିଲ କରିଥିବାରୁ ମା କୁଣ୍ଡାଖାଇ ସେବାସଙ୍ଘ ପକ୍ଷରୁ ଉତ୍ତରୀୟ ଓ ପୁଷ୍ପମାଳ ପ୍ରଦାନ କରାଯାଇ ସ୍ୱତନ୍ତ୍ର ସମ୍ବର୍ଦ୍ଧନା କରାଯାଇଛି l ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ସଭାପତି ପ୍ରକାଶ କୁମାର ନାୟକ, ସମ୍ପାଦକ ସତ୍ୟନାରାୟଣ ବାରିକ, ଉପଦେଷ୍ଟା ପ୍ରଦୀପ କୁମାର ପାଲଟାସିଂ, ପୂର୍ଣ୍ଣଚନ୍ଦ୍ର ଜେନା,କିଶୋର ଦାସ, ପବିତ୍ର ବେହେରା, ମଧୁସୁଦନ ବାରିକ ସୁବ୍ରତ ସାହୁ, ବାଳକୃଷ୍ଣ ସାହୁ ଓ ବୁଦ୍ଧିନାଥ ବେହେରା ପ୍ରମୁଖ ଯୋଗ ଦେଇଥିଲେ।ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ମା କୁଣ୍ଡାଖାଇ ସେବା ସଙ୍ଘର ସମସ୍ତ ସଦସ୍ୟମାନେ ସହଯୋଗକରି ପରିଚାଳନା କରିଥିବା ବେଳେ ରାସୋଳ ଗ୍ରାମବାସୀମାନେ ଉପସ୍ଥିତ ଥିଲେ।

(ରିପୋର୍ଟ -ସୁଶାନ୍ତ କୁମାର ପ୍ରଧାନ।)