ଚୋରା ଶାଗୁଆନ କାଠ ଚାଲାଣ ବେଳେ ମାଡ଼ି ବସିଲେ ବନ କର୍ମଚାରୀ; ୫ ଜଣ ଗିରଫ ।

ବ୍ରହ୍ମପୁର,୨୫/୦୪(ପିପିଟି):ଚିକିଟି ସାମନ୍ତିଆପଲ୍ଲୀ ରେଞ୍ଜ ତୁମ୍ବା ଇଲାକାରୁ ଅଟୋ ଯୋଗେ ଚୋରା ସାଗୁଆନ କାଠ ଚାଲାଣ ବେଳେ ଜଙ୍ଗଲ ବିଭାଗ ଚଢ଼ାଉ କରି କାଠ ଜବତ କରିବା ସହିତ ୫ଜଣଙ୍କୁ ଗିରଫ କରିଛି । ବୁରାତାଲ ଅଞ୍ଚଳରୁ ଅଟୋ ଯୋଗେ ଆନ୍ଧ୍ରକୁ ଚୋରାରେ କାଠ ଚାଲାଣ ହେଉଥିବା ସାମନ୍ତିଆପଲ୍ଲୀ ରେଞ୍ଜର ରଜତ କୁମାର ମିଶ୍ର ଖବର ପାଇ ତୁମ୍ବା ବନବିଭାଗ କର୍ମଚାରୀଙ୍କୁ ଖବର ଦେଇଥିଲେ । ତୁରନ୍ତ ଜଙ୍ଗଲ ବିଭାଗ କର୍ମଚାରୀମାନେ ଜଙ୍ଗଲ ପାର୍ଶ୍ୱରେ ଅଟୋକୁ ଧରିବା ପାଇଁ ଛକି ବସିଥିବା ବେଳେ କୁମ୍ଭାର ଢି଼ଅ ଗ୍ରାମ ନିକଟରେ ଶାଗୁଆନ କାଠ ଚାଲାଣ ହେଉଥିବା ଅଟୋକୁ ଅଟକାଇ ସେଥିରେ ପ୍ରାୟ ପଚାଶ ହଜାର ଟଙ୍କାର ଶାଗୁଆନ କାଠଗଣ୍ଡି ଥିବା ଜାଣିବାକୁ ପାଇଥିଲେ । ଜବତ ହୋଇଥିବା ଅଟୋ ନମ୍ବର ଏପି.୩୯ ଟି.ଏଫ ୨୯୭୪ ବୋଲି ଜଣା ପଡ଼ିଛି । କାଠ ଚାଲାଣ ଅଭିଯୋଗରେ କୋଷ୍ଟା ଗ୍ରାମର ବି.ମନୋଜ,ଏସ.ଗଣପତି ସମେତ ବୁରାତାଲ ପଞ୍ଚାୟତର ତିନିଜଣ ରାମୁଡୁ ନାୟକ , ଗୁଡୁମା ନାୟକ , ହାଡ଼ିଆ କାର୍ଜିଙ୍କୁ ଗିରଫ କରାଯାଇଛି । ଚଢ଼ାଉବେଳେ ତୁମ୍ବା ବନ ପାଳ କାମନା ଭୂୟାଁ , ସମେତ ଅନ୍ୟ ବନବିଭାଗ କର୍ମଚାରୀମାନେ ସାମିଲ ଥିଲେ ।
(ରିପୋର୍ଟ- ଆରତ କୁମାର ହୋତା। )