୨୦୩ କିଲୋ ଗଞ୍ଜେଇ ଜବତ,୩ ଗିରଫ 

ମାଲକାନଗିରି,୦୭/୧୦(ପିପିଟି):ଚିତ୍ରକୋଣ୍ଡା ପୋଲିସ ଏକ ବାଜାଜ ଅଟୋରୁ ୩୦୨ କିଲୋ ଗଞ୍ଜେଇ ଜବତ କରବା ସହ ୩ ଜଣ ଅଭିଯୁକ୍ତଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି ।ଘଟଣାରୁ ପ୍ରକାଶ ଯେ, ଗତ ରାତିରେ ଚିତ୍ରକୋଣ୍ଡା ପୋଲିସ ଏସଆଇ ଏନ ସି ବିଶ୍ବାଳ ସଦଳ ବଳେ ଟନେଲ କ୍ଯାମ୍ପ-ବାଲିମେଳା ରାସ୍ତା ନିକଟସ୍ଥ ଡାଇକ-୧ ଗ୍ରାମ ପାର୍ଶ୍ବରେ ରାତ୍ରକାଳିନ ପେଟ୍ରୋଲିଂ କରୁଥିବା ବେଳେ ସେହି ରାସ୍ତା ଦେଇ ଏକ ବାଜାଜ ଅଟୋ ୭ ବସ୍ତା ଗଞ୍ଜେଇ ଭର୍ତ୍ତି କରି ଦ୍ରୁତ ଗତିରେ ଯାଉଥିଲା । ପୋଲିସ ଅଟୋକୁ ଅଟକାଇ ତଦନ୍ତ କଲା ପରେ ସେହି ଅଟୋରୁ ୭ ବସ୍ତା ଗଞ୍ଜେଇ ମିଳିଥିଲା । ଯାହାର ଓଜନ ୨୦୩ କିଗ୍ରା ୫୬୦ ଗ୍ରାମ ବୋଲି ପୋଲିସ କହିଛି । ଅଟୋ ଚାଳକ ସହ ପୋଲିସ ୩ ଜଣଙ୍କୁ ଗିରଫ କରିଛି ।ସେମାନେ ହେଲେ ଚିତ୍ରକୋଣ୍ଡା ଥାନା ଅନ୍ତର୍ଗତ କମାରଗୁଡା ଗ୍ରାମର ମଙ୍ଗଳା ମୁଦୁଲି(୨୫),ବଡପଦର ପଞ୍ଚାୟତ ପଣସ ଗନ୍ଧୀ ଗ୍ରାମର ସୀତାରାମ ଖିଲ(୨୦) ଏବଂ ଯଦୁ ଖିଲ(୨୦) । ଅଭିଯୁକ୍ତଙ୍କ ବିରୁଦ୍ଧରେ ଚିତ୍ରକୋଣ୍ଡା ଥାନା କେଶ ନଂ:୧୨୫/ତା:୭.୧୦.୨୦୨୧ ୟୁ/ଏସ ୨୦(ବି)(ସି)/୨୭-ଏ/୨୯ ଏନଡିପିଏସ ଆକ୍ଟରେ ମାମଲା ରୁଜୁ କରାଯାଇ ଆଜି କୋର୍ଟ ଚାଲାଣ କରଯାଇଛି । ପୋଲିସ ସେମାନଙ୍କ ଠାରୁ
ଗୋଟାଏ ଅଟୋ,ଏକ ନମ୍ବର ବିହୀନ ଆପାଚି ମଟର ସାଇକେଲ,୨ଟି ମୋବାଇଲ ଏବଂ ନଗଦ ୬୦୦ ଟଙ୍କା ଜବତ କରିଛି ।
(ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ,ମାଲକାନଗିରି)