ଅର୍ଣ୍ଣବ ରିଲିଫ୍ ପାଣ୍ଠିକୁ ପାତ୍ରପୁର ସିଏଚ୍ସି କର୍ମଚାରୀଙ୍କ ୨ ଲକ୍ଷରୁ ଊର୍ଦ୍ଧ୍ୱ ଟଙ୍କା ଦାନ ।
ପାତ୍ରପୁର, ୧୩/୧୧ ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ପ୍ରବଳ ବର୍ଷାରେ କ୍ଷତିଗ୍ରସ୍ତ ଲୋକଙ୍କ ସହାୟତା ନିମନ୍ତେ ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର (ସିଏଚ୍ସି)ର କର୍ମଚାରୀମାନେ ମହତ୍ ଉଦ୍ୟମ କରିଛନ୍ତି। ସେମାନେ ନିଜର ଗୋଟିଏ ଦିନର ଦରମା ପ୍ରଦାନ କରି ୨ ଲକ୍ଷ ଟଙ୍କାରୁ ଊର୍ଦ୍ଧ୍ୱ ଅର୍ଥରାଶି ଅର୍ଣ୍ଣବ ରିଲିଫ୍ ପାଣ୍ଠିକୁ ଦାନ କରିଛନ୍ତି।
ଏହି ଅର୍ଥରାଶି ଶୁକ୍ରବାର ଦିନ ଛତ୍ରପୁରଠାରେ ଜିଲ୍ଲାପାଳଙ୍କୁ ପ୍ରଦାନ କରାଯାଇଥିଲା। ଏହି ଅବସରରେ ପାତ୍ରପୁର ସିଏଚ୍ସିର ଚିକିତ୍ସା ଅଧିକାରୀ ଡାକ୍ତର ସମ୍ବିତ ବେଗରାୟଙ୍କ ସମେତ ଅନ୍ୟ କର୍ମଚାରୀମାନେ ଉପସ୍ଥିତ ଥିଲେ। ଅର୍ଥରାଶି ପ୍ରଦାନ ପୂର୍ବରୁ ସ୍ୱାସ୍ଥ୍ୟକେନ୍ଦ୍ରର ଟିମ୍ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କୁ ମଧ୍ୟ ସାକ୍ଷାତ୍ କରିଥିଲେ। ବିପଦ ସମୟରେ ପ୍ରଭାବିତଙ୍କ ସହାୟତା ପାଇଁ ସ୍ୱାସ୍ଥ୍ୟକର୍ମୀଙ୍କ ଏହି ଅବଦାନକୁ ସାଧାରଣରେ ପ୍ରଶଂସା କରାଯାଇଛି।