ନୀଳଗିରିକୁ ପଶିଲେ ୫୫ ଟି ଝାଡ଼ଖଣ୍ଡି ହାତୀ; ଅଞ୍ଚଳବାସୀ ଆତଙ୍କିତ ।

ନୀଳଗିରି,୦୭/୧୨ : ବାଲେଶ୍ୱର ଜିଲ୍ଲା ନୀଳଗିରି ଅଞ୍ଚଳକୁ ମାଡି ଆସିଛନ୍ତି ଝାଡ଼ଖଣ୍ଡ ହାତୀପଲ। ନୀଳଗିରିର ସୀମାନ୍ତ କୁହାଯାଉଥିବା ମୟୁରଭଞ୍ଜ ଜିଲ୍ଲା ବେତନଟୀ ରେଞ୍ଜ ନଡ଼ପୁର ଜଙ୍ଗଲ ଛାଡି ନୀଳଗିରିର ଗୋପାଳପୁର ସଂରକ୍ଷିତ ଜଙ୍ଗଲରେ ୫୫ ହାତୀ ଆଜି ସକାଳୁ ଆସିଛନ୍ତି। ସେମାନଙ୍କ ମଧ୍ୟରୁ ୨୬ଟି ମାଈ, ୧୩ଟି ଅଣ୍ଡିରା ଏବଂ ୧୬ଜଣ ଛୁଆ ହାତୀ ଅଛନ୍ତି। ଏହି ଛୁଆ ହାତୀ ମାନେ ବେଶୀ ଉପଦ୍ରଵ କରୁଥିବା ଦେଖିବାକୁ ମିଳିଛି । ଆସିବା ରାସ୍ତାରେ ସେମାନେ ବ୍ୟାପକ ଧାନ ଫସଲ ନଷ୍ଟ କରିଛନ୍ତି। ଏବେ ଧାନ ଅମଳ ସମୟ ହୋଇଥିବା ଯୋଗୁ ହାତୀପଲ ଆସୁଥିବା ସୂଚନା ପାଇ ଚାଷୀକୁଳ ଆତଙ୍କିତ ହୋଇ ପଡିଛନ୍ତି। ଘଟଣା ସ୍ଥଳରେ ବନବିଭାଗ କର୍ମଚାରୀ ମୁତୟନ ଅଛନ୍ତି ।