ନୂଆଁଗଡ଼ ସ୍ଥିତ ହନୁମାନ ମନ୍ଦିରର ବାର୍ଷିକୋତ୍ସବ ଅନୁ୍ଷ୍ଠିତ ।

କୋଦଳା,୧୫/୧୧(ପିପିଟି):ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଅନ୍ତର୍ଗତ ଅଙ୍ଗାରଗାଁ ପଞ୍ଚାୟତର ନୂଆଁଗଡ଼ ସ୍ଥିତ ଶ୍ରୀ ଶ୍ରୀ ହନୁମାନ ମନ୍ଦିର ପରିସରରେ ଆଜି ପବିତ୍ର କାର୍ତ୍ତିକ ପୂର୍ଣ୍ଣମୀ ଅବସରରେ ବାର୍ଷିକୋତ୍ସବ ଅନୁ୍ଷ୍ଠିତ ହୋଇଯାଇଛି । ଏଥିରେ ପୁରାଣ ପୂଜା, ହନୁମାନ ଚାଳିଶା ପାଠ, ଘୃତ ଯଜ୍ଞ, ଅନ୍ନ ଯଜ୍ଞ ଆଦି ଅନୁଷ୍ଠିତ ହୋଇଯାଇଛି। କାର୍ତ୍ତିକ ମାସ ବ୍ୟାପି ଚାଲିଥିବା ପୁରାଣ ପାଠ କାର୍ଯ୍ୟକ୍ରମ ଆଜି ସମାପ୍ତ ହୋଇଛି । ପୁରୋହିତ ଭାବେ ଲୋକନାଥ ରଥ ପୂଜାର୍ଚ୍ଚନା କରିଥିବା ବେଳେ କର୍ତ୍ତା ଭାବେ ସନ୍ତୋଷ କୁମାର ପ୍ରଧାନ କାର୍ଯ୍ୟ ସମ୍ପାଦନ କରିଛନ୍ତି । ଏଥିରେ ପ୍ରାୟ ଛଅ ହଜାର ରୁ ଉର୍ଦ୍ଧ୍ଵ ଭକ୍ତ ମାନେ ପ୍ରସାଦ ସେବନ କରିଛନ୍ତି । ନୂଆଁଗଡ଼ ଗ୍ରାମବାସୀ ମାନେ ଉପସ୍ଥିତ ରହିବା ସହ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ । ଏନେଇ ନୂଆଗଡ ରେ ଏକ ଆଧ୍ୟମିତ୍କ ପରିବେଶ ସୃଷ୍ଟି ହୋଇଛି ।

(ରିପୋର୍ଟ- ସୂର୍ଯ୍ୟନାରାୟଣ ବଡୁ ।)