ବାଟଗାଁ ଉଚ୍ଚ ମାଧ୍ୟ୍ୟମିକ ବିଦ୍ୟାଳୟରେ ରକ୍ତଦାନ ଶିବିର ।

ନାକଟିଦେଉଳ,୦୪/୧୦:ସମ୍ବଲପୁର ନାକଟିଦେଉଳ ବ୍ଲକ ଅନ୍ତର୍ଗତ ବାଟଗାଁ ଉଚ୍ଚ ମାଧ୍ୟ୍ୟମିକ ବିଦ୍ୟାଳୟରେ ୟୁଥ ରେଡକ୍ରସ ଆନୁକୂଲ୍ୟରେ ଗୁରୁବାର ଦିନ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏହି ଅବସରରେ ଅନୁଷ୍ଠାନର ଅଧ୍ଯକ୍ଷ ରମେଶ କୁମାର ଅଗ୍ରୱାଲାଙ୍କ ସଭାପତିତ୍ୱରେ ଏକ ସଭା ଅନୁଷ୍ଠିତ ହୋଇଥିଲା । ଇଂରାଜି ଅଧ୍ୟାପକ ପତିତ ମହାନନ୍ଦ ପ୍ରାରମ୍ଭିକ ସୂଚନା ସହିତ ଅତିଥି ପରିଚୟ ପ୍ରଦାନ କରିଥିଲେ । ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ଜଣାଶୁଣା ସମାଜସେବୀ ଓ ଶିକ୍ଷାବିତ ଅନାଦି ସାହୁ । ମୁଖ୍ୟ ଅତିଥି ରକ୍ତଦାନ ଶିବିର ର ଗୁରୁତ୍ୱ ଓ ମହତ୍ୱ ବିଷୟରେ ବକ୍ତବ୍ୟ ପ୍ରଦାନ କରିଥିଲେ । ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ଇନ୍ଦ୍ରମଣି ବେହେରା, ରେଢ଼ାଖୋଲ ବ୍ଲଡ଼ ବ୍ୟାଙ୍କ ମୁଖ୍ୟ, ଡ଼କ୍ଟର ଅଭିଷେକ ଦାସ, ରେଢ଼ାଖୋଲ,ସନକ କୁମାର ଧଳ,ପୂର୍ବତନ ସଂପାଦକ, ମେଘନାଥ ବେହେରା,ପୂବର୍ତନ କମିଟି ସଦସ୍ୟ ଏବଂ ସମାଜସେବୀ ଶଙ୍କର ବେହେରା । ରକ୍ତଦାନ ଶିବିରକୁ ଅନୁଷ୍ଠାନିକ ଭାବେ ମୁଖ୍ୟ ଅତିଥି ଉଦଘାଟନ କରିଥିଲେ । ଏହି ରକ୍ତଦାନ ଶିବିର ରେ ୬୫ ୟୁନିଟ ରକ୍ତ ସଗ୍ରହ କରାଯାଇଥିଲା । ଅନୁଷ୍ଠାନର ଅଧ୍ୟାପକ ଗଣ, ଅଧ୍ୟାପିକା ତଥା ଅନ୍ୟାନ୍ୟ କର୍ମଚାରୀ ଗଣ ଉପସ୍ଥିତ ରହି କାଯ୍ୟକ୍ରମକୁ ସହଯୋଗ କରିଥିଲେ । କାଯ୍ୟକ୍ରମ ଶେଷରେ ଅଧ୍ୟାପକ ଶରତ କୁମାର ଶତପଥି ଧନ୍ୟବାଦ ଅର୍ପଣ କରିଥିଲେ ।