ଅଗ୍ନିକାଣ୍ଡ ରେ ଜଳିଗଲା ୫ ବଖରା ।

ବେଲଗୁଣ୍ଠା , ୦୬/୦୧(ପିପିଟି):ଜଗନ୍ନାଥପ୍ରସାଦ ବ୍ଲକ କୁଡୁତାଇ ପଞ୍ଚାୟତ ଅରଖପଲ୍ଲୀ ଗାଁ ରେ ଅଗ୍ନିକାଣ୍ଡ ଘଟି ପାଞ୍ଚ ପରିବାର ର ପାଞ୍ଚ ବଖରା ଜଳି ପୋଡି ପାଉଁଶ ହୋଇଯାଇଛି । ସକାଳୁ ସକାଳୁ ହଠାତ ଚାଳ ଉପରେ ଧୁଆଁ ଦେଖାଯିବା ସହ ଘର ଗୁଡିକ ଗୋଟିଏ ପରେ ଗୋଟିଏ ଜଳି ଉଠିଥିଲା । ଖବର ପାଇ ବେଲଗୁଣ୍ଠା ଅଗ୍ନିଶମ ବାହିନୀ ପଂହଁଚି ନିଆ କୁ ଆୟତ୍ତ କରିଥିଲେ ତଥାପି ଘର ଭିତରେ ଥିବା ବିଭିନ୍ନ ଆସବାବପତ୍ର ସହ ଧାନ, ଚାଉଳ ଆଦି ପୋଡିଯାଇଛି ଗାଁର ନକୁଳ ବେହେରା, ବଟକୃଷ୍ଣ ବେହେରା, ନିର ବେହେରା, ଭିକାରୀ ବେହେରା ଓ ଧୀର ବେହେରାଙ୍କ ଚାଳ ଘର ଗୁଡିକ ଜଳି ଯାଇଛି । ନିଆଁ ଲାଗିବାର ପ୍ରକୃତ କାରଣ ଜଣାପଡିନାହିଁ । ଶୀତ ଦିନେ ଏବେ ପିଲାଛୁଆ ଙ୍କୁ ନେଇ କେମିତି ରହିବେ ତାହାକୁ ନେଇ ଅଗ୍ନି ବିପନ୍ନ ପରିବାର ମାନେ ଚିନ୍ତାରେ ପଡିଯାଇଛନ୍ତି । ଆବାସ ଯୋଜନାରେ ଗୃହ ଯୋଗାଇଦେବାକୁ ଦାବି ହୋଇଛି ।

ରିପୋର୍ଟ- -ସୁଶାନ୍ତ କୁମାର ବେହେରା