ବରିଷ୍ଠ ନାଗରିକ ମଞ୍ଚ ତରଫରୁ ନୂତନ ଉପ-ଜିଲ୍ଲାପାଳଙ୍କୁ ସମ୍ବର୍ଦ୍ଧନା ।

ଭଞ୍ଜନଗର,୨୪/୦୬(ପିପିଟି):
ଘୁମୁସର ବରିଷ୍ଠ ନାଗରିକ ମଞ୍ଚ, ଭଞ୍ଜନଗର ତରଫରୁ ନୂତନ ଉପ-ଜିଲ୍ଲାପାଳ ଜ୍ଯୋତି ଶଙ୍କର ରାୟଙ୍କୁ ଶୁକ୍ରବାର ପୂର୍ବାହ୍ନରେ ସ୍ୱତନ୍ତ୍ର ଭାବେ ବିଭିନ୍ନ ବହି ଓ ପତ୍ରିକା ପ୍ରଦାନ କରି ସମ୍ବର୍ଦ୍ଧନା କରାଯାଇଛି । ଏହି ଅବସରରେ ମଞ୍ଚର ସଭାପତି ସୋମନାଥ ନାୟକ, ଉପ-ସଭାପତି ଇଞ୍ଜିନିୟର ପ୍ରଭାତ ଚନ୍ଦ୍ର ତରାସିଆ, ସମ୍ପାଦକ ରବୀନ୍ଦ୍ର ଆଚାର୍ଯ୍ୟ, ସହ ସମ୍ପାଦକ ସନ୍ତୋଷ କୁମାର ପଣ୍ଡା, କୋଷାଧ୍ୟକ୍ଷ ବ୍ରଜଗୋପାଳ ମହାରଣା ଓ କାର୍ଯ୍ୟକାରୀ ସଦସ୍ୟ ହରିକୃଷ୍ଣ ସାହୁ, ମଞ୍ଚର ବିଭିନ୍ନ ସମସ୍ୟା ଉପରେ ଉପଜିଲ୍ଲାପାଳଙ୍କ ସହ ଆଲୋଚନା କରିଥିଲେ। ତତ୍ ମଧ୍ୟରୁ ବରିଷ୍ଠ ନାଗରିକମାନଙ୍କୁ ଭଞ୍ଜନଗର ବିଜ୍ଞାପିତ ଅଞ୍ଚଳ ପରିଷଦ ଭିତରେ ଏକ ଚିତ୍ତବିନୋଦନ କେନ୍ଦ୍ର ଅଗ୍ରାଧିକାର ଭିତ୍ତିରେ ଯୋଗାଇ ଦେବା ପାଇଁ ଜଣାଇଥିଲେ।ଏଦିଗରେ ପଦକ୍ଷେପ ଗ୍ରହଣ କରିବା ପାଇଁ ଶ୍ରୀ ରାୟ ସୂଚନା ଦେଇଛନ୍ତି।