୨୦ ପେଟି ନକଲି ବିଦେଶୀ ମଦ ଜବତ, ଜଣେ ଗିରଫ ।

ବ୍ରହ୍ମପୁର,୦୪/୦୨(ପିପିଟି):ଆଗକୁ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ହେବାକୁ ଥିବା ବେଳେ ଅବକାରୀ ବିଭାଗ ପକ୍ଷରୁ କଡା ଯାଞ୍ଚ ପ୍ରକ୍ରିୟା ଆରମ୍ଭ ହୋଇଛି । ବିକ୍ରି ପାଇଁ ରଖାଯାଇଥିବା ବିପୁଳ ପରିମାଣର ନକଲି ବିଦେଶୀ ମଦ ଜବତ କରିଛି ଅବକାରୀ ବିଭାଗ । ବ୍ରହ୍ମପୁର ସଦର ଥାନା ଅନ୍ତର୍ଗତ ବ୍ରଜନଗର ୩ୟ ଲାଇନର ଏକ ଘର ଉପରେ ଚଢ଼ାଉ କରି ୨୦ ପେଟି ନକଲି ବିଦେଶୀ ମଦ ଜବତ କରିଛି ଅବକାରୀ ଟିମ୍ । ଏହି ଅଭିଯୋଗରେ ଜଣଙ୍କୁ ଗିରଫ କରିଛି ପୋଲିସ୍ । ଏଗୁଡ଼ିକୁ ସେ ସହର ନିକଟସ୍ଥ ଗ୍ରାମ ଗୁଡିକରେ ବିକିବା ପାଇଁ ରଖିଥିବା ପଚରାଉଚରା ବେଳେ ପୋଲିସ ଜାଣିବାକୁ ପାଇଛି । ଏବେ ଯେଉଁ ଭଳି ଭାବରେ ଅବକାରୀ ଟିମ୍ ଚଢାଉ କରୁଛନ୍ତି ମଦ ମାଫିଆ ମାନଙ୍କ ମନରେ ଛନକା ପଶିଥିବା ଅନୁମାନ କରାଯାଉଛି ।
(ରିପୋର୍ଟ- ଆରତ କୁମାର ହୋତା। )