୮୧୧ କିଗ୍ରା ଗଞ୍ଜେଇ ଜବତ,ନାବାଳକ ସହ ୭ ଗିରଫ ।

ମାଲକାନଗିରି,ତା:୨୭/୦୯(ପିପିଟି):
ମାଲକାନଗିରି ଜିଲ୍ଲାରୁ ପ୍ରତି ଦିନ ଗଞ୍ଜେଇ ବିଭିନ୍ନ ଅଞ୍ଚଳକୁ ସଂଧ୍ଯାରୁ ପାହାନ୍ତା ପର୍ଯ୍ଯନ୍ତ ବିଭିନ୍ନ ଉପାୟ ଅବଲମ୍ବନ କରି ଯାଉଛି ।ତେବେ ପୋଲିସ ଦୈନ ଦିନ ଯେ କୌଣସି ଅଞ୍ଚଳରୁ ଗଞ୍ଜେଇ ଲହ ମାଫିଆମାନଙ୍କୁ ଧରିବାରେ ସଫଳ ହେଉଛି । ଗତ କାଲି ଚିତ୍ରେକୋଣ୍ଡା ପୋଲିସ ୮୧୧ କିଗ୍ରା ଗଞ୍ଜେଇ ଜବତ କରିଥିବା ବେଳେ ୭ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ତନ୍ମଧ୍ଯରୁ ଜଣେ ନାବାଳକ ସଂପୃକ୍ତ ରହିଥିବା ପୋଲିସ ପ୍ରକାଶ କରିଛି । ପ୍ରାପ୍ତ ସୂଚନା ଅନୁସାରେ ଚିତ୍ରକୋଣ୍ତା ଥାନା ପୋଲିସ ଗତ ୨୬ ତାରିଖ ସନ୍ଧ୍ଯା ୭ଟା ସମୟରେ ଏସଆଇ ଏନ.ସି.ବିଶ୍ବାଳଙ୍କ ନେତୃତ୍ବରେ ଗୁଣ୍ଠାବେଢା ଅଞ୍ଚଳରେ ପେଟ୍ରୋଲିଂ କରୁଥିଲା ବେଳେ ଗୋଟିଏ ବାଜାଜ ଅଟୋ (ନଂ:ଏପି-୫ଟିଜେ-୦୩୭୬)ଆରଏସସି-୯ ରୁ ସିଲେରୁ ଅଭିମୁଖେ ଦ୍ରୁତ ଗତିରେ ଯାଉଥିଲା । ପୋଲିସ ଉକ୍ତ ଅଟୋକୁ ଅଟକାଇ ତଦନ୍ତ କରିଥିଲା ବେଳେ ସେହି ଅଟୋକୁ ୨୮ ବସ୍ତା ବା ୮୧୧ କିଗ୍ରା ୩୦୦ ଗ୍ରାମ ଗଞ୍ଜେଇ ବାହାରି ଥିଲା । ଯାହାର ବଜାର ମୂଲ୍ଯ ୮୦ ଲକ୍ଷ ଟଙ୍କା ହେବ ବୋଲି ପୋଲିସ କହୁଛି । ଏହି ଗଞ୍ଜେଇ କାରବାରରେ ସଂପୃକ ଜଣେ ନାବାଳକ ସହ ୭ ଜଣ ଅଭିଯୁକ୍ତଙ୍କୁ ଚିତ୍ରକୋଣ୍ଡା ପୋଲିସି ଗିରଫ କରିଛି । ସେମାନେ ହେଲେ ଟନେଲ କ୍ଯାମ୍ପ ବାଇଲି ଗୁଡା ଗ୍ରାମର ଧନପତି ଜାନି,ଅର୍ଜୁନ ଗୋଲରୀ, ଆରଏସସି-. ଗ୍ରାମର ଜଗବନ୍ଧୁ ଖରା,ଇଷ୍ଟ ଗୋଦାବରୀ ଜିଲ୍ଲାର ଡଙ୍କରାଇ ଥାନା ଅନ୍ତର୍ଗତ ନବଗୁଡେମ୍ ଗ୍ରାମର କିଲୋ ଚିନାରାଓ,ଚିତ୍ରକୋଣ୍ଡା ଅନ୍ତର୍ଗତ ଇରାଗାପୁ ଗ୍ରାମର ବାଲୁ କିଣ୍ଡାଲ, ଇରାଗାପୁ ଗ୍ରାମର ଅନ୍ଯ ଜଣେ ଅଭିଯୁକ୍ତ ସନିଆ ବଡ ନାୟକ,ବାଇଲି ଗୁଡା ଗ୍ରାମର ଜଣେ ନାବାଳକ । ଏହି ୭ ଜଣଙ୍କ ବିରୁଦ୍ଧରେ ଚିତ୍ରକୋଣ୍ଡା ଥାନା କେଶ ନଂ:୧୧୯/୨୬.୯.୨୦୨୧
ୟୁ/ଏସ,୨୦(ବି)(ସି)୨୫/୨୭-ଏ/୨୯ ଏନ.ଡି.ପି.ଏସ ଆକ୍ଟରେ ପୋଲିସ ମାମଲା ରୁଜୁ କରି ଆଜି କୋର୍ଟ ଚାଲାଣ କରିଛି !ସେମାନଙ୍କ ଠାରୁ ପୋଲିସ ୨୮ ପ୍ଯାକେଟ୍ ଗଞ୍ଜେଇ,ଗୋଟିଏ ଅଟୋ,୪ଟି ମୋବାଇଲ ଫୋନ,୩ଟି ମଟର ସାଇକଲ,ନଗଦ ୧୭୦୦/-ଟଙ୍କା ଏବଂ ଆଧାର କାର୍ଡ ସହ ଅନ୍ଯାନ୍ଯ କାଗଜ ପତ୍ର ଜବତ କରିଛି ।
(ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ,ମାଲକାନଗିରି)