କୋଟିପତି ସେବା ସମବାୟ ସମ୍ପାଦକ।

ବ୍ରହ୍ମପୁର,୨୯/୧୨(ପିପିଟି); ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଉମା ସେବା ସମିତି ସମ୍ପାଦକ ସନ୍ତୋଷ କୁମାର ରାଉତଙ୍କ ଘରେ ସୋମବାର ସକାଳୁ ଭିଜିଲାନ୍ସ ଚଢାଉ ହୋଇଛି। ସନ୍ତୋଷ ଓ ତାଙ୍କ ୨ ପୁଅଙ୍କ ନାଁରେ ମୋଟ ସମ୍ପତ୍ତି ୧ କୋଟି ୯ ଲକ୍ଷ ୪୭ ହଜାର ୪୩୩ ଟଙ୍କା ଠାବ ହୋଇଛି। ୨ଟି କୋଠାର ମୂଲ୍ୟ ୪୫ ଲକ୍ଷ ଟଙ୍କା ବୋଲି ଆକଳନ କରାଯାଇଛି। ଘରୁ ନଗଦ ୭ ଲକ୍ଷ ୨୮ ହଜାର ୯୯୦ ଟଙ୍କା, ପ୍ରାୟ ୨୦ ଲକ୍ଷ ଟଙ୍କାର ସୁନା ଅଳଙ୍କାର, ବିଭିନ୍ନ ବ୍ଯାଙ୍କରେ ଜମା ହୋଇଥିବା ୩ଲକ୍ଷ ୫୫ ହଜାର ଟଙ୍କା, ଆସବାବପତ୍ର ୨ ଲକ୍ଷ ୮୮ ହଜାର ଟଙ୍କା, କଣ୍ଟାମାଳ ତହସିଲ ଅଞ୍ଚଳରେ ୪ ଟି ପ୍ଲଟ୍, ୨ଟି ଟ୍ରାକ୍ଟର, ଗୋଟିଏ ଧାନକଟା ମେସିନ୍, ବୋଲେରୋ,ମାରୁତି କାର, ବୁଲେଟ୍ ଗାଡି,ସ୍କୁଟି,୪ଟି ବାଇକକୁ ଭିଜିଲାନ୍ସ ଠାବ କରିଛନ୍ତି। ସନ୍ତୋଷଙ୍କ ସମ୍ପତ୍ତିକୁ ନେଇ ଅଧିକ ତଦନ୍ତ ଜାରି ରହିଛି ବୋଲି ଭିଜିଲାନ୍ସ ଏସପି ଅନିଲ କୁମାର ପାତ୍ର ସୂଚନା ଦେଇଛନ୍ତି।