ହାୱାଇ ଧକ୍କା ରେ ବିପଦ ସଙ୍କୁଳ ଭାବରେ ଝୁଲି ରହିଛି ଜିଲ୍ଲା ମୁଖ୍ୟ ଚିକିତ୍ସାଳୟର ମୁଖ୍ୟ ଗେଟ୍।

ଖୋର୍ଦ୍ଧା ୦୨/୦୪ (ପିପିଟି): ରାତ୍ରୀ ସମୟରେ ଦ୍ରୁତ ବେଗରେ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟ ଗେଟ ଦେଇ ଯାଉଥିବା ଏକ ହାୱାଇ ଟ୍ରକ ଧକ୍କା ରେ ମୁଖ୍ୟ ଗେଟ ଟି ସଂପୂର୍ଣ୍ଣ କ୍ଷତିଗ୍ରସ୍ତ ହୋଇଛି । ଏହି ସମ୍ମୁଖ ଗେଟ ଦେଇ ଦୈନନ୍ଦିନ ଶହ, ଶହ ସଂଖ୍ୟାରେ ରୋଗୀ, ଆମ୍ବୁଲାନ୍ସ ଯାତାୟାତ କରୁଥିବା ବେଳେ ଏହା ବିପଦ ଶଙ୍କୁଳ ଭାବରେ ଝୁଲି ରହିଛି। କେତେବେଳେ ଯେ ଏହା ତଳେ ନ ପଡ଼ିବ ତାହା କହିବା ମୁସ୍କିଲ । ଏହି ଘଟଣାପ୍ରତି ବିଭାଗୀୟ ଅଧିକାରୀ ଅବଗତ ଥିଲେ ମଧ୍ୟ ଏହି ଗେଟ ଟିର ମରାମତି କାର୍ଯ୍ୟ ଏ ପର୍ଯ୍ୟନ୍ତ ହୋଇ ପାରି ନାହିଁ। ପୁଲିସ ଘଟଣା ସ୍ଥଳ ରେ ପହଞ୍ଚି ହାୱାଇ ଟିକୁ ଜବତ କରିଛି । ପ୍ରତେକଦିନ ଖୋର୍ଦ୍ଧା ସହର ମଧ୍ୟ ଦେଇ ଶହ ଶହ ଟ୍ରିପ ମୋରମ, ବାଲି ଓ ଚିପ୍ସ ହାୱାଇ ଟ୍ରକ ରେ ଅନ୍ୟତ୍ର ଚାଲାଣ ହେଉଥିବା ବେଳେ ଗାଡ଼ି ଗୁଡିକ ଗଳାବାଟ ଦେଇ ଯାତାୟାତ କରିବା ଦ୍ୱାରା ଏଭଳି ଦୁର୍ଘଟଣା ମାନ ଘଟୁଛି । ମୁଖ୍ୟତଃ ଗାଡ଼ି ଗୁଡିକ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟ ସମ୍ମୁଖ ଗେଟ ଭିତର ଦେଇ ଟି.ଏଲ.ସି. ରୋଡ଼ ସ୍ଥିତ ପରିବା ମାର୍କେଟ ପାଖରେ ଯିବାଆସିବା କରୁଥିବା ଦେଖିବାକୁ ମିଳୁଛି । ଜିଲ୍ଲା ମୁଖ୍ୟ ଚିକିତ୍ସାଳୟ ଭିତର ଦେଇ ଦ୍ରୁତ ଗତି ରେ ଯାତାୟାତ କରୁଥିବା ଭାରିଯାନ ଗୁଡ଼ିକ ଯୋଗୁଁ ଜୀବନ ହାନି ଘଟିବା ର ସମ୍ଭାବନା ରହିଥିବା ବେଳେ ଏଥିପ୍ରତି ଜିଲ୍ଲା ମୁଖ୍ୟ ଚିକିତ୍ସାଳୟ ର ଉଚ୍ଚ କର୍ତୃପକ୍ଷ ଏବଂ ନିୟୋଜିତ ସୁରକ୍ଷା କର୍ମୀ ଦୃଷ୍ଟି ଦେଉନଥିବା ଅଭିଯୋଗ ହେଉଛି।

ରିପୋର୍ଟ-ସୁଶାନ୍ତ କୁମାର ପ୍ରଧାନ।