କଳିଙ୍ଗା ଘାଟି ଦୁର୍ଘଟଣାରେ ଜଣେ ଆହତ ।

ଭଞ୍ଜନଗର, ୨୯/୦୯(ପିପିଟି):ଭଞ୍ଜନଗର ଥାନା ଅଧୀନ କଳିଙ୍ଗା ଘାଟି ପାଦ ଦେଶରେ ଥିବା ଦୁର୍ଗାପ୍ରସାଦ ନିକଟରେ ଆଜି ଅପରାହ୍ନରେ ଦୁଇଟି ମାଲବାହୀ ଟ୍ରକ ଓ ଏକ କାର୍ ଦୁର୍ଘଟଣାଗସ୍ତ ହୋଇଛି। ଏଥିରେ କାର୍ ରେ ବସିଥିବା ଜଣେ ଆହାତ ହୋଇଥିବା ବେଳେ ଅନ୍ୟ କାହାରି କିଛି କ୍ଷତି ହୋଇ ନଥିବା ଜଣାପଡିଛି। ମିଳିଥିବା ସୂଚନା ଅନୁଯାୟୀ ଲାଞ୍ଜିଗଡରୁ ଟ୍ରକ୍ ରେ ଆସ୍ ଗୁଣ୍ଡ ନେଇ ସୋରଡ଼ା ଅଭିମୁଖେ ଦୁଇଟି ଟ୍ରକ ଆସୁଥିଲା। ଘାଟି ଓହ୍ଲାଇବା ପରେ ଦୁର୍ଗାପ୍ରସାଦ ନିକଟରେ ପଛ ଟ୍ରକର ବ୍ରେକ୍ ଫେଲ୍ ହେବାରୁ ସାମ୍ନା ଟ୍ରକ ସହ ଧକ୍କା ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି। ଏହି ସମୟରେ ଟ୍ରକ ନିକଟରେ ଥିବା କାର୍ ସହ ମଧ୍ୟ ଧକ୍କା ହୋଇଥିଲା। ଫଳରେ କାର୍ରେ ଥିବା ନୟାଗଡ ଜିଲ୍ଲା ହୀରାଦେଇପୁର ଗ୍ରାମର କୃପାସିନ୍ଧୁ ପାଣି(୪୫) ଆହାତ ହୋଇଥିଲେ।ସୌଭାଗ୍ୟ ବଶତ ଟ୍ରକ ଚାଳକଙ୍କ କିଛି କୌିଣସି କ୍ଷତି ଘଟିନଥିବା ଜଣାପଡିଛି। ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗସ୍ତ ଗାଡିକୁ ରାସ୍ତାରୁ ବାହାର କରିବା ବ୍ୟବସ୍ଥା କରୁଛି।

ରିପୋର୍ଟ- (ଜେ. କେ ପଟ୍ଟନାୟକ)