ଅଚାନକ ଭାଲୁର ମୁତ୍ୟୁ ଅନୁସନ୍ଧାନ ଜାରି !

ଯାଜପୁର,(ପିପିଟି ନ୍ଯୁଜ୍)୩୨/୦୫ , ଯାଜପୁର ଜିଲ୍ଲା ସୁକିନ୍ଦା ବ୍ଲକ୍ ହରିପୁର ଠାରେ ଠାବ ହୋଇଥିବା ଭାଲୁର ଶେଷରେ ମୃତ୍ୟୁ ଘଟିଲା । ଆଜି ସକାଳୁ ସୁକିନ୍ଦା ସ୍ଥିତ ହରିପୁର କଲେଜ ପାଖ କାଜୁଜଙ୍ଗଲରେ ଏକ ବଡ଼ ଭାଲୁ ବୁଲୁଥି ବାର ଦେଖି ସ୍ଥାନୀୟ ଲୋକେ ଆତଙ୍କିତ ହୋଇଯାଇଥିଲେ । ପରେ ସୂଚନା ପାଇ ସ୍ଥାନୀୟ ବନବିଭାଗ ଅଧିକାରୀ ଓ ପୋଲିସ ଭାଲୁକୁ କାବୁ କରିବା ପାଇଁ ଚେଷ୍ଟା କରିଥିଲେ। ବହୁ ଖୋଜା ଖୋଜି କରିବା ପରେ ବନବିଭାଗକୁ ଭାଲୁ ସମ୍ପର୍କରେ ସୂଚନା ମିଳିଥିଲା। ଗୋଟିଏ ବଡ଼ ଗଛ ବୁଦା ମୂଳେ ବହୁ କାଉ ଏକାଠି ହେବାର ଦେଖି ସନ୍ଦେହ ଜାତ ହେବାରୁ ସେହି ସ୍ଥାନରେ ସ୍ଥାନୀୟ ବନବିଭାଗ ଅଧିକାରୀ ଓ କର୍ମଚାରୀମାନେ ପହଞ୍ଚିଥିଲେ ଏବଂ ସେଠାରେ ଭାଲୁଟି ମୃତ୍ୟୁବରଣ କରିଥିବା ଦେଖିବାକୁ ପାଇଥିଲେ। ଭାଲୁକୁ ଶବବ୍ୟବଚ୍ଛେଦ କରାଇବା ପରେ ତାକୁ ପୋତିଦେଇଥିବା ବନବିଭାଗ ପକ୍ଷରୁ ସୂଚନା ମିଳିଛି । ଭାଲୁଟି ଗତକାଲି ବିଳମ୍ବିତ ରାତିରେ ଖାଦ୍ୟ ଅନ୍ବେଷଣରେ ନିକଟସ୍ଥ ସୁନାଝର ଜଙ୍ଗଲରୁ ପଳାଇ ଆସିଥିବା ବନବିଭାଗ ପକ୍ଷରୁ ସୂଚନା ମିଳିଛି। ତେବେ ଭାଲୁର ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ବନବିଭାଗ ଦ୍ବାରା ଘଟଣାର ଅନୁସନ୍ଧାନ ଜାରୀ ରହିଛି।
ରିପୋର୍ଟ – ଦେବ କୁମାର ।