ବିରଳ ପ୍ରଜାତିର ପକ୍ଷୀ ଉଦ୍ଧାର ।

କୋଦଳା,୩୦/୦୮(ପିପିଟି); ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଚିଙ୍ଗୁଡ଼ିଖୋଲ ଗ୍ରାମରୁ ଏକ ବିରଳ ପ୍ରଜାତିର ପକ୍ଷୀ ଉଦ୍ଧାର କରାଯାଇଛି। ପକ୍ଷୀଟି ଉଡିଯାଉଥିବା ସମୟରେ କିଛି କାଉଙ୍କ ଆକ୍ରମଣର ଶିକାର ହୋଇ ଜଣେ ଭଦ୍ରବ୍ୟକ୍ତିଙ୍କ ଘର ବାରଣ୍ଡାରେ ପଡିଥିଲା । ଏନେଇ ସ୍ଥାନୀୟବାସିନ୍ଦା ଖଲ୍ଲିକୋଟ ବନବିଭାଗକୁ ଖବର ଦେଇଥିଲେ । ଖବର ପାଇବା ପରେ ଖଲ୍ଲିକୋଟ ବନବିଭାଗର ନିର୍ଦ୍ଦେଶକ୍ରମେ ସୁମଣ୍ଡଳ ସେକ୍ସନ ବନ କର୍ମଚାରୀ ସୁଦାମ ଦଳାଇ ପହଞ୍ଚି ପକ୍ଷୀଟିକୁ ଉଦ୍ଧାର କରିଛନ୍ତି । ଆହତ ଅବସ୍ଥାରେ ପକ୍ଷୀଟିକୁ ଉଦ୍ଧାର କରାଯାଇ ଥିବାରୁ ତାର ଚିକିତ୍ସା ପରେ ଜଙ୍ଗଲରେ ଛାଡିଦିଆଯିବ ବୋଲି ବନ ବିଭାଗ ସୂତ୍ରରୁ ଜଣା ପଡ଼ିଛି ।