ପୋଲିସ ହେପାଜତରେ ଯୁବକ ମୃତ୍ୟୁ, ମାଲକାନଗିରି ଥାନା ଘେରାଉ ।
ମାଲକାନଗିରି ,୨୬/୧୦(ପିପିଟି):ପୋଲିସ ହେପାଜତରେ ଏକ ଯୁବକର ହସ୍ୟଜନକ ମୃତ୍ୟୁକୁ କେନ୍ଦ୍ର କରି ଆଜି ମାଲକାନଗିରି ଥାନାକୁ ଦୁଇ ହଜାରରୁ ଅଧିକ ଲୋକ ଘେରାଉ କରିବା ସହିତ ଥାନା ସମ୍ମୁଖରେ ଟାୟାର ଜାଳି ପ୍ରତିବାଦ କରିଥିବା ଜଣାପଡିଛି । ହରିୟାଣା ପୋଲିସ ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ ଏମଭି -୬୫ ଗ୍ରାମର ତନୁପ ଦେଙ୍କୁ ଗଞ୍ଚୋଜେଇ ରାଚାଲାଣ ଅଭିଯୋଗରେ ପଚରାଉଚରା କରାଯିବା କରିବା ବାହାନାରେ ଉଠାଇ ନେଇ ଥିଲା। ସେହି ଯୁବକକୁ ହରିଆଣା ପୋଲିସ ଅଟକ ରଖି ଶାରୀରିକ ନିର୍ଯାତନା ଦେବା ଫଳରେ ମୃତ୍ୟୁ ଘଟିଥିବା ପରିବାର ଲୋକେ ଅଭିଯୋଗ କରିଛନ୍ତି। ସେହି ମୃତଦେହ ମାଲକାନଗିରିର ଲଜ ଇନ୍ ଭିତରୁ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି । ଏହି ଘଟଣା ପ୍ରଘଟ ହେବା ପରେ ଗାଁ ଲୋକଙ୍କ ମଧ୍ୟରେ ତୀବ୍ର ଉତ୍ତେଜନା ପ୍ରକାଶ ପାଇଥିଲା ।
ଏହି ଘଟଣାକୁ ନେଇ ମୃତକଙ୍କ ପରିବାରବର୍ଗ ହରିୟାଣା ପୋଲିସ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ଯୁବକଙ୍କୁ ମାଡ଼ ମାରି ହତ୍ୟା କରାଯାଇଥିବା ପରିବାର ଲୋକେ ଦାବି କରିଛନ୍ତି। ଅନ୍ୟପକ୍ଷରେ, ମୃତ୍ୟୁର ପ୍ରକୃତ କାରଣ ଏବଂ ଘଟଣାର ପରିସ୍ଥିତି ସମ୍ପର୍କରେ ତଦନ୍ତ ପରେ ହିଁ ସ୍ପଷ୍ଟ ଚିତ୍ର ସାମ୍ନାକୁ ଆସିପାରିବ।
ସୂଚନା ଅନୁଯାୟୀ, ଗତ କାଲି ରାତିରେ ହରିୟାଣାର ହାଂସି ଥାନା ପୋଲିସ ମାଲକାନଗିରି ଜିଲ୍ଲାର ଏମଭି-୬୫ ଗ୍ରାମରେ ପହଞ୍ଚି ତନୁପ ଦେଙ୍କୁ ତାଙ୍କ ଘରୁ ଉଠାଇ ଆଣିଥିଲା। ଗଞ୍ଜେଇ ଚୋରାଚାଲାଣ ସହ ତାଙ୍କର ସମ୍ପୃକ୍ତି ଥିବା ସନ୍ଦେହରେ ପୋଲିସ ତାଙ୍କୁ ସାରା ରାତି ନିଜ ହେପାଜତରେ ରଖାଯାଇଥିଲା। ପରେ ମାଲକାନଗିରି ଇନ୍ ଲଜରେ ରେ ରଖାଯାଇଥିଲା ବେଳେ ଆଜି ସକାଳେ ହୋଟେଲ ଭିତରୁ ତାଙ୍କ ମୃତଦେହ ଝୁଲନ୍ତା ଅବସ୍ଥାରେ ମିଳିବା ଘଟଣାକୁ ଅଧିକ ରହସ୍ୟମୟ କରି ଦେଇଛ।
ଗତକାଲି ରାତିରେ ଜଣେ ଯୁବକଙ୍କୁ ଅଟକ ରଖାଯିବା ଏବଂ ପରଦିନ ସକାଳେ ତାଙ୍କ ମୃତ୍ୟୁ ଖବର ସାମ୍ନାକୁ ଆସିବା ଫଳରେ ପରିବାର ବର୍ଗଙ୍କ ମଧ୍ୟରେ ଗଭୀର ଉଦ୍ବେଗ ଓ ଅସନ୍ତୋଷ ସୃଷ୍ଟି ହୋଇଛି। ଯୁବକଙ୍କ ମୃତ୍ୟୁ କେଉଁ ପରିସ୍ଥିତିରେ ଘଟିଲା, ତାଙ୍କୁ ଅଟକ ରଖିବା ସମୟରେ କ’ଣ ଘଟିଥିଲା ଏବଂ ଘଟଣା ପଛରେ କାହାର ଦାୟିତ୍ୱହୀନତା ରହିଛି କି ନାହିଁ, ସେସବୁ ଏବେ ତଦନ୍ତର ପ୍ରମୁଖ ପ୍ରସଙ୍ଗ ହୋଇଛି।ମୃତ ତନୁପ ଦେ ଙ୍କ ପରିବାର ଲୋକଙ୍କ ଅଭିଯୋଗ ଅନୁଯାୟୀ, ହରିୟାଣାର ହାଂସି ଥାନା ପୋଲିସ ତାଙ୍କୁ ଅକଥନୀୟ ନିର୍ଯାତନା ଦେଇ ହତ୍ୟା କରିଛି। ପରିବାର ବର୍ଗ ଯୁବକଙ୍କ ମୃତ୍ୟୁର ନିରପେକ୍ଷ ତଦନ୍ତ, ହରିୟାଣା ପୋଲିସ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଏବଂ ଉଚିତ ନ୍ୟାୟ ପ୍ରଦାନ ପାଇଁ ଦାବି ମାଲକାନଗିରି ଥାନା ଘେରାଉ କରାଯାଇଛି । ଏହି ଘଟଣା କେବଳ ଗୋଟିଏ ପରିବାରର ଦୁଃଖଦ ଘଟଣା ନୁହେଁ; ଅଟକରେ ଥିବା ଜଣେ ବ୍ୟକ୍ତିଙ୍କ ସୁରକ୍ଷା ଓ ମୃତ୍ୟୁର ପ୍ରକୃତ କାରଣ ସମ୍ପର୍କରେ ଗୁରୁତର ପ୍ରଶ୍ନ ଉଠାଇଛି। ତେଣୁ ଘଟଣାର ସମସ୍ତ ଦିଗକୁ ନିରପେକ୍ଷ ଭାବେ ଯାଞ୍ଚ କରିବାକୁ ସ୍ଥାନୀୟ ଲୋକେ ଦାବି କରୁଛନ୍ତି।ଯୁବକଙ୍କ ମୃତ୍ୟୁ ଖବର ପ୍ରଚାର ହେବା ପରେ ଏମଭି-୬୫ ଗ୍ରାମ ସମେତ ସ୍ଥାନୀୟ ଅଞ୍ଚଳରେ ତୀବ୍ର ଉତ୍ତେଜନା ଦେଖାଦେଇଛି। ହରିୟାଣା ପୋଲିସ ବର୍ତ୍ତମାନ ମାଲକାନଗିରି ଥାନାରେ ଅଟକ ଥିବା ଜଣାପଡ଼ିଛି। ଘଟଣାରେ ଉତ୍ତ୍ୟକ୍ତ ଲୋକେ ମାଲକାନଗିରି ଥାନା ଘେରାଉ କରି ହରିୟାଣା ପୋଲିସର ସମ୍ପୃକ୍ତ କର୍ମଚାରୀଙ୍କୁ ଗିରଫ କରିବାକୁ ଦାବି କରିଛନ୍ତି। ଯୁବକଙ୍କ ମୃତ୍ୟୁ ପଛରେ ଯଦି କାହାର ଅପରାଧିକ ସମ୍ପୃକ୍ତି ରହିଛି, ତେବେ ସେମାନଙ୍କୁ ଆଇନ ଅନୁଯାୟୀ ଦଣ୍ଡିତ କରାଯାଉ ବୋଲି ଦାବି ହେଉଛି।ପରିସ୍ଥିତିକୁ ଦୃଷ୍ଟିରେ ରଖି ପୋଲିସ ପ୍ରଶାସନ ପାଇଁ ଘଟଣାର ସମ୍ବେଦନଶୀଳତା ବୃଦ୍ଧି ପାଇଛି। ଏଭଳି ସ୍ଥିତିରେ ଲୋକଙ୍କ ଆକ୍ରୋଶକୁ ଶାନ୍ତ କରିବା ସହ ନିରପେକ୍ଷ ତଦନ୍ତ ଓ ଆଇନଶୃଙ୍ଖଳା ରକ୍ଷା କରିବା ପ୍ରଶାସନର ପ୍ରମୁଖ ଦାୟିତ୍ୱ ହୋଇଛି।ତନୁପ ଦେଙ୍କ ମୃତ୍ୟୁକୁ ନେଇ ଏବେ ଅନେକ ପ୍ରଶ୍ନ ସୃଷ୍ଟି ହୋଇଛି। ମୃତ୍ୟୁର ରହସ୍ୟ ପାଇଁ ସାଇଣ୍ଟିଫିକ୍ ଯାଞ୍ଚ, ଆବଶ୍ୟକ ସିସିଟିଭି ଫୁଟେଜ୍ର ପରୀକ୍ଷା, ସାକ୍ଷୀଙ୍କ ବୟାନ ଏବଂ ମୃତଦେହର ଶବ ବ୍ୟବଚ୍ଛେଦ ରିପୋର୍ଟ ଗୁରୁତ୍ୱପୂର୍ଣ୍ଣ। ଏହା ସହ ଯୁବକଙ୍କୁ ଅଟକ ରଖିବା ସମ୍ପର୍କିତ ରେକର୍ଡ ଓ ପୋଲିସ ର କାର୍ଯ୍ୟପ୍ରଣାଳୀ ଯାଞ୍ଚ କରାଯିବା ଆବଶ୍ୟକ। ଯୁବକଙ୍କ ମୃତ୍ୟୁ ଆତ୍ମହତ୍ୟା, ହତ୍ୟା ନା ଅନ୍ୟ କୌଣସି କାରଣରୁ ଘଟିଛି, ତାହା ଏବେ ସ୍ପଷ୍ଟ ହୋଇନାହିଁ। ସନ୍ଧ୍ୟା ସୁଦ୍ଧା ଲୋକମାନେ ମାଲକାନଗିରି ଥାନାକୁ ଘେରାଉ କରି ଆନ୍ଦୋଳନ ଜାରି ରଖିବା ଜଣାପଡିଛି।
(ରିପୋର୍ଟ: ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ)