ରେଭେନ୍ସା ବିଶ୍ୱବିଦ୍ୟାଳୟ ଶିକ୍ଷକ ପରିଷଦ ଗଠିତ।

ପାଗା,୨୧/୦୮(ପିପିଟି): କଟକ ରେଭେନ୍ସା ବିଶ୍ୱବିଦ୍ୟାଳୟ ଶିକ୍ଷକ ପରିଷଦ ନାମକ ସଂଗଠନ ରେଭେନ୍ସା ବିଶ୍ୱବିଦ୍ୟାଳୟର ଅଧ୍ୟାପକ ମାନଙ୍କ ଦ୍ୱାରା ଗଢ଼ିଉଠିଛି। ଏହି ଶିକ୍ଷକ ସଂଗଠନର ବ୍ୟାପକ ଲକ୍ଷ୍ୟ ହେଉଛି ରେଭେନ୍ସା ନାମକ ଐତିହ୍ୟ ପ୍ରତିଷ୍ଠାନର ସ୍ୱାର୍ଥର ସୁରକ୍ଷା ଏବଂ ପ୍ରୋତ୍ସାହନରେ କାର୍ଯ୍ୟ କରିବା। ଏହା ସହିତ, ଏହା ଏହାର ଗଠନମୂଳକ ପ୍ରୟାସ ଏବଂ ଶିକ୍ଷାବ୍ୟବସ୍ଥା ର ସର୍ବୋତ୍ତମ ସ୍ୱାର୍ଥ, ଶିକ୍ଷକଙ୍କର ସର୍ବୋତ୍ତମ ସ୍ୱାର୍ଥ, ଛାତ୍ରଙ୍କ ସର୍ବୋତ୍ତମ ସ୍ୱାର୍ଥ ଏବଂ ସର୍ବୋପରି ରାଷ୍ଟ୍ରର ସର୍ବୋତ୍ତମ ସ୍ୱାର୍ଥରେ କାର୍ଯ୍ୟ ଜାରି ରଖିବାକୁ ଉଦ୍ୟମ କରିବ। ଉକ୍ତ ପରିଷଦର କାର୍ଯ୍ୟକାରୀ କମିଟି ଆରମ୍ଭରୁ ନିମ୍ନଲିଖିତ ପଦାଧିକାରୀ ମାନଙ୍କୁ ଚୟନ କରାଗଲା ସଭାପତି ଡକ୍ଟର ଜୁଧିଷ୍ଟିର ସାହୁ, ଉପସଭାପତି ଡକ୍ଟର ଅଭିଷେକ ଶର୍ମା, ସାଧାରଣ ସମ୍ପାଦକ: ଡକ୍ଟର ଯାଜ୍ଞସେନୀ ରାଉତ, ଯୁଗ୍ମ ସମ୍ପାଦକ: ଡକ୍ଟର ମଲ୍ଲିକାର୍ଜୁନ ମିଶ୍ର, କୋଷାଧ୍ୟକ୍ଷ: ଡକ୍ଟର କ୍ଷୀରୋଦ କୁମାର ସାହୁ ଏବଂ କାର୍ଯ୍ୟନିର୍ବାହୀ କମିଟି (EC) ପ୍ରଫେସର ରଞ୍ଜନା ବାଜପେୟୀ,ପ୍ରଫେସର ବିକ୍ରମ କେଶରୀ ମିଶ୍ର,ଡକ୍ଟର ଆଶିଷ କୁମାର ସେନାପତି, ଡକ୍ଟର ସୌମେନ୍ଦ୍ର କୁମାର ପାତ୍ର, ଡକ୍ଟର ରତିକାନ୍ତ ବିଶ୍ୱାଲ, ଡକ୍ଟର ଦେବୀଲାଲ ମିଶ୍ର।

ପରିଷଦର ବ୍ୟାପକ ଲକ୍ଷ୍ୟ ପ୍ରତି ପ୍ରତିବଦ୍ଧ ରହିବା ପାଇଁ ସମସ୍ତ କର୍ମକର୍ତ୍ତା ମାନେ ଆଜି ଶପଥ ଗ୍ରହଣ କରିଛନ୍ତି। ପରିଷଦର ସମସ୍ତ ସଦସ୍ୟ ଓ କର୍ମକର୍ତ୍ତା ମାନେ ଆଜି ମାନ୍ୟବର କୁଳପତିଙ୍କୁ ଭେଟି ଶିକ୍ଷକ ପରିଷଦର ଜନ୍ମ ଓ ବ୍ୟାପକ ଆଭିମୁଖ୍ୟ ବିଷୟରେ ଅବଗତ କରାଇଥିଲେ। ବିଶ୍ୱବିଦ୍ୟାଳୟରେ ନିଷ୍ପତ୍ତି ଗ୍ରହଣ ପ୍ରକ୍ରିୟାରେ ବିଶେଷକରି ଶିକ୍ଷକ ଶିକ୍ଷା ସମ୍ବନ୍ଧୀୟ ପ୍ରସଙ୍ଗରେ ସଂଗଠନକୁ ପ୍ରତିନିଧିତ୍ୱ ପାଇଁ ସୁଯୋଗ ଦେବାକୁ କୁଳପତି ମହୋଦୟଙ୍କୁ ଅନୁରୋଧ କରାଯାଇଛି। ଏହି ବାର୍ତ୍ତା ବିଶ୍ୱବିଦ୍ୟାଳୟର ସମସ୍ତ ସମ୍ପୃକ୍ତ କର୍ତ୍ତୃପକ୍ଷଙ୍କୁ ସୂଚନା ଦିଆଯାଇଛି।