ପୂର୍ବତନ ପ୍ରଧାନ ଶିକ୍ଷକ ସୁବାସ ଚନ୍ଦ୍ର ଗୌଡ଼ଙ୍କ ଦେହାନ୍ତ ।

ପୋଲସରା ,୧୯/୧୧(ପିପିଟି):ଗଞ୍ଜାମ ଜିଲ୍ଲା ବୁଗୁଡ଼ା ବ୍ଲକ ଅନ୍ତର୍ଗତ ବାଲିପଦର ନିକଟସ୍ଥ ସୁନାକେରା ଗ୍ରାମରେ ଜନ୍ମଗ୍ରହଣ କରିଥିବା ତଥା ବିଷ୍ଣୁ ଚକ୍ର ଗ୍ରାମ ଉଚ୍ଚ ପ୍ରାଥମିକ ବିଦ୍ୟାଳୟର ଅବସରପ୍ରାପ୍ତ ପ୍ରଧାନ ଶିକ୍ଷକ ସୁବାସ ଚନ୍ଦ୍ର ଗୌଡ଼ଙ୍କ ଦେହାନ୍ତ ହୋଇଯାଇଛି l ସ୍ବର୍ଗତ ଗୌଡ଼ ଜଣେ ଶିକ୍ଷକ ନେତା ଭାବେ ନିମ୍ନ ମାଧ୍ୟମିକ ଶିକ୍ଷକ ସଂଘର ବୁଗୁଡ଼ା ବ୍ଲକ ସମ୍ପାଦକ ରହିଥିବା ବେଳେ ଆର୍ଯ୍ୟ ସମାଜ ତଥା ସ୍ୱାମୀ ଦୟାନନ୍ଦ ସରସ୍ବତୀଙ୍କ ଆଦର୍ଶ ଭାବେ ଅନୁପ୍ରାଣିତ ହୋଇ ଜଣେ ଅlଧ୍ୟାତ୍ମିକବାଦୀ ଥିଲେ l ଏଥିସହ ସେ ବିଭିନ୍ନ ସଂଗଠନର କର୍ମକର୍ତ୍ତା ଭାବେ ମଧ୍ୟ କାର୍ଯ୍ୟ କରୁଥିଲେ l ସେ ଜଣେ ମିଷ୍ଟଭାଷୀ,ମେଳାପୀ ଓ ପରୋପକାରୀ ବ୍ୟକ୍ତି ଥିଲେ l ତାଙ୍କରି ମୃତ୍ୟୁ ଖବର ପ୍ରଚାରିତ ହେବା ପରେ ଅଞ୍ଚଳରେ ଶୋକର ଛାୟା ଖେଳିଯାଇଥିବା ବେଳେ ବୁଗୁଡ଼ା ସହରର ମଦନମୋହନ ପାଠାଗାର ଓ ସାହିତ୍ୟ ସଂସଦ ସମ୍ପାଦକ ତ୍ରିଲୋଚନ ପଣ୍ଡା ଶୋକ ବ୍ୟକ୍ତ କରିଥିବା ସହ ଇଶ୍ୱରଙ୍କ ନିକଟରେ ଅମର ଆତ୍ମାର ସଦଗତି କାମନା କରିଥିଲେ ।

ରିପୋର୍ଟ-ସନ୍ତୋଷ କୁମାର ପଣ୍ଡା