ଜିଲ୍ଲା ସଡ଼କ ସୁରକ୍ଷା କମିଟି ତରଫରୁ ସଚେତନତା କାର୍ଯ୍ୟକ୍ରମ ।

ସୁବର୍ଣ୍ଣପୁର ,୦୮/୦୮(ପିପିଟି) : ସୁବର୍ଣ୍ଣପୁର ଜିଲ୍ଲାରେ ସଡ଼କ ଦୁର୍ଘଟଣା କୁ ହ୍ରାସ କରିବା ଉପରେ ଗରୁତ୍ବ ପ୍ରଦାନ ପୂର୍ବକ ଆଜି ଜିଲ୍ଲା ସଡ଼କ ସୁରକ୍ଷା କମିଟି ତରଫରୁ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଆଞ୍ଚଳିକ ପରିବହନ ବିଭାଗ, ଜିଲ୍ଲା ସୁରକ୍ଷା କମିଟି ଓ ଜିଲ୍ଲା ସାମାଜିକ ସୁରକ୍ଷା ବିଭାଗର ମିଳିତ ଆନୁକୂଲ୍ୟରେ ରେ ସ୍ଥାନୀୟ ସୁବର୍ଣ୍ଣପୁର ବସଷ୍ଟାଣ୍ଡ ଠାରେ ଗାଡି ଚାଳନା ଓ ପରିଚାଳନା ନିମନ୍ତେ ବସ ଡ୍ରାଇଭର ଓ କଣ୍ଡକ୍ଟର ଙ୍କୁ ନେଇ ସଡ଼କ ସୁରକ୍ଷା ସଚେତନ କରାଯାଇଛି । ଆର ଟି ଓ ଅକ୍ଷୟ କୁମାର ଜେନା କାର୍ଯ୍ୟକ୍ରମ ଜରିଆରେ ସଡ଼କ ସୁରକ୍ଷା ଉପରେ ବିଶେଷ ଗୁରୁତ୍ୱ ପ୍ରଦାନ କରି ଗାଡି ଚାଳନା ର ଆବଶ୍ୟକ ନିୟମାବଳୀଙ୍କୁ ସୁନିଶ୍ଚିତ ପାଳନ କରିବାକୁ ପରାମର୍ଶ ଦେଇଛନ୍ତି । କାର୍ଯ୍ୟକ୍ରମ ଅବସରରେ ଜିଲ୍ଲା ସଡ଼କ ସୁରକ୍ଷା କମିଟି ର ସଦସ୍ୟ ସଦସ୍ୟା, ସୁବର୍ଣ୍ଣପୁର ଡ୍ରାଇଭର ଏବଂ କଣ୍ଡକ୍ଟର ବୃନ୍ଦ, ଜିଲ୍ଲା ବସ ମାଲିକ ସଙ୍ଘ କର୍ମ କର୍ତ୍ତା,ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଗୋବିନ୍ଦ ବଲ୍ଲଭ ଷଡ଼ଙ୍ଗୀ, ସୁବର୍ଣ୍ଣପୁର ଆଞ୍ଚଳିକ ପରିବହନ କାର୍ଯ୍ୟାଳୟ ର ଅଧିକାରୀ ଓ କର୍ମଚାରୀ ପ୍ରମୁଖ ଉପସ୍ଥିତ ରହିଥିଲେ ।

ରିପୋର୍ଟ-ଶାନ୍ତନୁ କୁମାର କର୍ଣ୍ଣ