ସାଧୁସନ୍ଥ ଙ୍କ ନବାନ୍ନ ପାଳନ ।

ବେଲଗୁଣ୍ଠା, ୨୮/୦୯(ପିପିଟି): ଜଗନ୍ନାଥପ୍ରସାଦ ବ୍ଲକ କଲ୍ୟାଣପୁର ଗ୍ରାମ ରେ ଶତାଧିକ ସାଧୁ ଓ ଭକ୍ତଙ୍କ ଗହଣରେ ନବାନ୍ନ ପାଳନ ହୋଇଯାଇଛି । ସକାଳ ୯ ଟା ୩୫ ସମୟରେ ମହିମା ଧର୍ମି ଙ୍କ ନବାନ୍ନ ସେବନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କୌପିନ ଧାରୀ ନିରଞ୍ଜନ ଦାସ ଙ୍କ ପୌରହିତ ରେ ଶତାଧିକ ଭକ୍ତ ଉପସ୍ଥିତ ରହି ପ୍ରଥମ ଅମଳ ଧାନ ରେ ପ୍ରସ୍ତୁତ ଖାଦ୍ୟ କୁ ଗ୍ରହଣ କରିଥିଲେ । କଲ୍ୟାଣପୁର ନିବାସୀ ଭକ୍ତ ହରି ଗୌଡ଼ ଚଳିତ ବର୍ଷ ଏହି କାର୍ଯ୍ୟକ୍ରମ କୁ ପରିଚାଳନା କରିଥିଲେ ।
ଏଥିରେ ବ୍ରହ୍ମପୁର, ପାତ୍ରପୁର, ଆସ୍କା, ଦିଗପହଣ୍ଡି, ଚିକିଟି ଅଞ୍ଚଳ ସମେତ ନିକଟ ପ୍ରତାପୁର, ଗୁଣ୍ଡୁରିବାଡି, ବୁରପଲ୍ଲୀ ମାଟିଆସାହି ବିଡିପୁର, ଜଗନ୍ନାଥପ୍ରସାଦ, ଗାଲେରି ଅଞ୍ଚଳରୁ ଅନେକ ଭକ୍ତ ପଂହଁଚି ନବାନ୍ନ ଭକ୍ଷଣ କରିଥିଲେ ଏଥିରେ ଜୟରାମ ବାବା, ପ୍ରଭାସ ବାବା ଙ୍କ ସମେତ ଅନେକ ସାଧୁ ମଧ୍ୟ ଉପସ୍ଥିତ ଥିଲେ । ସମସ୍ତେ କଦଳିପତ୍ର ରେ ଖାଇଥିଲେ । ୧୨ ପ୍ରକାର ବ୍ୟଞ୍ଜନ ପ୍ରସ୍ତୁତ କରାଯାଇଥିଲା । ବାର୍ଷିକ ଏହି ପର୍ବ କୁ ଖୁବ ଆଗ୍ରହର ସହ ପାଳନ କରାଯାଇଛି ।

ରିପୋର୍ଟ-ସୁଶାନ୍ତ କୁମାର ବେହେରା