ପ୍ରେମୀ ଯୁଗଳଙ୍କ ଅସଂଯତ ଭିଡିଓ ଭାଇରାଲ,୬ ଜଣ କୋର୍ଟ ଚାଲାଣ ।

ମାଲକାନଗିରି,ତା:୨୫/୦୯(ପିପିଟି): ମାଲକାନଗିରି ଥାନା ନିକଟସ୍ଥ ପଦ୍ମଗିରି ରାସ୍ତା ପାର୍ଶ୍ବସ୍ଥ ଜଙ୍ଗଲରେ କଲେଜ ପଢୁଆ ପ୍ରେମୀ ଯୁଗଳ ଅସଂଯତ ଅବସ୍ଥାରେ ରହିଥିବା ବେଳେ ସିନ୍ଧ୍ରିମାଳ ଗ୍ରାମର କିଛି ଯୁବକ ସେଠାରେ ପହଞ୍ଚି ପ୍ରେମୀ ଯୁଗଳଙ୍କୁ ଶାରୀରିକ ଓ ମାନସିକ ନିର୍ଯ୍ଯାତନା ଦେଇଥିଲେ । ସେମାନଙ୍କ ଅନ୍ତରଙ୍ଗ ମୁହୂର୍ତ୍ତର ମୋବାଇଲରେ ଭିଡିଓ ଉତ୍ତୋଳନ କରିବା ସହ ପ୍ରେମୀ ଯିଗଳଙ୍କ ପୋଷାକ ଛଡାଇ ନେଇଥିଲେ । ସେମାନେ ପରସ୍ପରକୁ ଭଲ ପାଆନ୍ତି ଏବଂ ଗୋଟାଏ କଲେଜରେ ପାଠ ପଢନ୍ତି ବୋଲି ନେହୁରା ହୋଇଥିଲେ ମଧ୍ଯ ଯୁବକମାନେ ନିର୍ଯାତନା ଦେବା ସହ ଭିଡିଓକୁ ଭାଇରାଲ କରଥିଲେ । ଏ ସଂପର୍କରେ ଗଣ ମାଧ୍ଯମରେ ଖବର ପ୍ରକାଶ ପାଇଥିଲା । ଯାହା ଫଳରେ ମାଲକାନଗିରି ପୋଲିସ ଆକ୍ସନ ମୁଡକୁ ଆସିଥିଲା । ଅନ୍ଯ ପକ୍ଷରେ ଯୁବତୀର ଭାଇ ମାଲକାନଗିରି ଥାନାରେ ଲିଖିତ ଅଭିଯୋଗ ପରେ ୬ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ସେମାନେ ହେଲେ ସିନ୍ଧ୍ରିମାଳ ଗାଁର ଡମ୍ବରୁ ମାଡକାମୀ(୨୮),ପ୍ରୀତମ କରସ୍ତା(୨୧), ତ୍ରିନାଥ କରସ୍ତା(୨୧),କାନ୍ତା କରସ୍ତା(୩୦), ସମାରୁ କରସ୍ତା(୨୪),ଦେବା ମାଢି (୩୬) ଏବଂ ଅନ୍ଯ ଏକ ନାବାଳକ ଥିବାରୁ ନାମ ପ୍ରକାଶ କରାଯାଇ ନାହିଁ ।ଆଜି ୬ ଜଣ ଅଭିଯୁକ୍ତଙ୍କୁ ବିଭିନ୍ନ ଦଫାରେ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଛି ।
(ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ,ମାଲକାନଗିରି)