ପୋଲସରା ଡ଼୍ରାଇଭର ମହାସଂଘ ପକ୍ଷରୁ ବନ୍ଧୁମିଳନ ଉତ୍ସବ ୨୦୨୫ଅନୁଷ୍ଠିତ।

ପୋଲସରା ,୧୪/୦୧(ପିପିଟି):ଗଞ୍ଜାମ ଜିଲ୍ଲା ପୋଲସରା ଡ଼୍ରାଇଭର ମହାସଂଘ ତରଫରୁ ଏହି ବ୍ଲକ ମଧୁପଲ୍ଲୀ ଗ୍ରାମ ସ୍ଥିତ ଚନ୍ଦ୍ରକଳ୍ପେଶ୍ୱର ମହାଦେବ ମନ୍ଦିର ଠାରେ ଏକ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସଭାପତି ନାରାୟଣ ଗୌଡ଼ ସଭାପ୍ରତିତ୍ୱ କରିଥିଲେ। ଏଥିରେ ଗଞ୍ଜାମ ଜିଲ୍ଲା ସଭାପତି ସୁରେନ୍ଦ୍ର କୁମାର ବଣ ମୁଖ୍ୟ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଯ୍ୟଲନ ପୂର୍ବକ କାର୍ଯ୍ୟକ୍ରମର ଶୁଭ ଉଦ୍ଘାଟନ କରିଥିଲେ। ମୁଖ୍ୟ ବକ୍ତା ଭାବେ କୋଦଳା ସଂଘର ଉପ ସଭାପତି ପିଣ୍ଟୁପଣ୍ଡା ଏବଂ ସମ୍ମାନିତ ଅତିଥି ଭାବେ ବୁଗୁଡ଼ା ବ୍ଲକ ସଂଘର ସଭାପତି ରାଧାଭାଇ ଓ ପ୍ରକାଶ ପାଢ଼ୀ ପ୍ରମୁଖ ଯୋଗଦେଇଥିଲେ। ମଞ୍ଚ ପରିଚାଳନା ଲକ୍ଷ୍ମଣ ସାହୁ କରିଥିଲେ। ଅତିଥି ସ୍ବାଗତ ଏବଂ ପରିଚୟ ସଭାପତି ଶ୍ରୀଯୁକ୍ତ ଗୌଡ଼ କରିଥିଲେ। ଏହି ଅବସରରେ ସଂଘର ବିଭିନ୍ନ ସୁବିଧା ଅସୁବିଧା ସମ୍ପର୍କରେ ବିସ୍ତୃତ ଭାବେ ଆଲୋଚନା ପ୍ରଯ୍ୟାଲୋଚନା କରାଯିବା ସହ ନିଶାଠାରୁ ଦୂରେଇ ରହି ଜନସାଧରଙ୍କ ସେବା କରିବାକୁ ଶପଥ ପାଠ କରାଯାଇଥିଲା। ଏହି ଅବସରରେ ନୂତନ ପରିଚାଳନା କମିଟି ସର୍ବସହମତି କ୍ରମେ ଗଠନ କରାଯାଇଥିଲା। ଏଥିରେ ସଭାପତି ଭାବେ ନାରାୟଣ ଗୌଡ଼, ଉପସଭାପତି ଭାବେ ଗୋଲକ ବିହାରୀ ଜେନା, ସମ୍ପାଦକ ଭାବେ ଜଗବନ୍ଧୁ ବେହେରା, ସହ ସମ୍ପାଦକ ଭାବେ ପପୁ ସାହୁ, ଅଡିଟର ଭାବେ ବସନ୍ତ କୁମାର ବିଶ୍ଵାଳ, କୋଷାଧ୍ୟକ୍ଷ ଭାବେ ଶିବ ଶଙ୍କର ସାହୁ ଓ ଉପଦେଷ୍ଠା ମଣ୍ଡଲିରେ ରାଜେନ୍ଦ୍ର ମହାନ୍ତି, ରଞ୍ଜନ ପ୍ରଧାନ, ମହେଶ୍ୱର ଜେନା, ତ୍ରିନାଥ ସ୍ୱାଇଁ ଓ ବିକାଶ ପ୍ରଧାନ, ପ୍ରମୁଖଙ୍କୁ ସର୍ବସହମତି କ୍ରମେ ନିଆଯାଇଛି। କାର୍ଯ୍ୟକ୍ରମରେ ବେଗୁନିଆପଡ଼ା ବ୍ଲକ ଓ ବୁଗୁଡ଼ା ବ୍ଲକରୁ ସଂଘର କର୍ମକର୍ତ୍ତାମାନେ ଯୋଗ ଦେଇଥିବା ବେଳେ ପୋଲସରା ମହାସଂଘର ଏନ ଏ ସି ଓ ୨୬ ଗୋଟି ପଞ୍ଚାୟତର ୧୧ ଗୋଟି ଜୋନରୁ କର୍ମକର୍ତ୍ତା ଏବଂ ସଭ୍ୟମାନେ ଯୋଗଦେଇଥିଲେ। ଶେଷରେ ମନୋଜ କୁମାର ସାହୁ ସମସ୍ତଙ୍କୁ ମହାସଂଘ ତରଫରୁ ଧନ୍ୟବାଦ ଦେଇଥିଲେ।

ରିପୋର୍ଟ: ସନ୍ତୋଷ କୁମାର ପଣ୍ଡା