ଭଞ୍ଜନଗର ଆନନ୍ଦମୟୀ ମହିଳା ପାଠଚକ୍ରର ବାର୍ଷିକ ଉତ୍ସବ । 

ଭଞ୍ଜନଗର, ୦୬/୦୧(ପିପିଟି):ଭଞ୍ଜନଗର ସହରତଳି ଅଞ୍ଚଳ ଶ୍ରୀରାମନଗର ସ୍ଥିତ ଶ୍ରୀ ଅରବିନ୍ଦ ଶକ୍ତି ପୀଠ ଠାରେ ଆନନ୍ଦମୟୀ ମହିଳା ପାଠ ଚକ୍ରର ବାର୍ଷିକ ଉତ୍ସବ ଅନୁଷ୍ଠିତ ଜୋଇଯାଇଛି । ଆୟୋଜିତ ଉତ୍ସବରେ ପିପିଲି ସତ୍ୟଚେତନା ଆଶ୍ରମର ସାଧକ ସୁକାନ୍ତ କୁମାର ଜେନା ମୁଖ୍ୟଅତିଥି ଭାବରେ ଯୋଗଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ରତ୍ନପ୍ରଭା ଦାସ, ଗୀତା ସେନାପତି, ଶିକ୍ଷାକେନ୍ଦ୍ର ସଭାପତି ପ୍ରଫେସର କୃତିବାସ ବିଶ୍ୱାଳ ପ୍ରମୁଖ  ମଂଚାସୀନ ଥିଲେ ।
ମହିଳାମାନେ ସଶକ୍ତ ହେଲେ ଏକ ସୁସ୍ଥ ସମାଜ ଗଠନ ହୋଇ ପାରିବ ବୋଲି ଅତିଥି ମାନେ ମତବ୍ୟକ୍ତ କରିଥିଲେ l କରୁଣାମୟୀ ମା ଓ ପରମ ପ୍ରଭୁ ଶ୍ରୀ ଅରବିନ୍ଦଙ୍କ ଯୋଗ ଦର୍ଶନ, ତଥା ଶିକ୍ଷାଦର୍ଶନରେ ଅନୁପ୍ରାଣିତ ହୋଇ ଏକ ସୁସ୍ଥ ସମଜ ଗଠନରେ ମହିଳାମାନେ ଆଗେଇ ଆସିବା ପାଇଁ ଅତିଥି ମାନେ ସେମାନଙ୍କ ବକ୍ତବ୍ୟରେ ଉଲ୍ଲେଖ କରିଥିଲେ।ବରିଷ୍ଠ ମାତୃପ୍ରେମୀ ଜୋର୍ତିମୟୀ ପ୍ରଧାନ ମାତୃସଂଗୀତ ଗାନ କରିଥିଲାବେଳେ ରତ୍ନ ମଞ୍ଜରୀ ପାଢୀ କାର୍ଯ୍ୟକ୍ରମକୁ ସଂଯୋଜନା କରିଥିଲେ ।ଗଞ୍ଜାମ ଜିଲ୍ଲା ସମେତ ନିକଟବର୍ତ୍ତୀ ଫୁଲବାଣୀ ଜିଲ୍ଲାର ପାଠଚକ୍ର ଶିକ୍ଷା କେନ୍ଦ୍ର ମାନଙ୍କରୁ ଶତାଧିକ ମାତୃପ୍ରେମୀ, ସାଧକ ସାଧିକା ଏହି ଉତ୍ସବରେ ଯୋଗଦାନ କରିଥିଲେ । ମାତୃପତାକା ଅବତରଣ କଲା ପରେ କାର୍ଯ୍ୟକ୍ରମ ସମାପିତ ହୋଇଥିଲା ।

ରିପୋର୍ଟ- (ଜେ.କେ ପଟ୍ଟନାୟକ)