ସାପ ଖେଳାଉଥିବା ବେଳେ ବନ ବିଭାଗ ଦ୍ୱାରା ଯୁବକ ଗିରଫ ।

ବେଲଗୁଣ୍ଠା,୦୯/୧୨(ପିପିଟି) :,ଘରେ ସରୀସୃପଙ୍କୁ ରଖିବା ଏବଂ ସେମାନଙ୍କୁ ନେଇ ବିଭିନ୍ନ ମନୋରଞ୍ଜନ କାର୍ଯ୍ୟକ୍ରମରେ ବ୍ୟବହାର କରିବା ସମ୍ପୂର୍ଣ୍ଣ ବେଆଇନ୍ ଥିବା ବେଳେ ସୋରଡ଼ା ଅଞ୍ଚଳର ଜଣେ ଯୁବକ ଏକ ବୋଡ଼ା ସାପକୁ ଆଣି ବହୁଦିନ ଧରି ସାପ ଖେଳାଇ ଟଙ୍କା ଆଦାୟ କରି ଗୁଜୁରାଣ ମେଣ୍ଟାଉଥିବା ଖବର ସ୍ଥାନୀୟ ବନ ବିଭାଗକୁ ମିଳିବା ପରେ ବନ ବିଭାଗ ସାପକୁ ଜବତ କରିବା ସହିତ ଯୁବକଙ୍କୁ ଗିରଫ କରିଛି । ଗିରଫ ଯୁବକ ଜଣଙ୍କ ହେଲା ସୋରଡା ବ୍ଳକ୍ ଅନ୍ତର୍ଗତ ମାଳତୀତୁଠ ଗ୍ରାମର ଜାନକୀ ନାଇକ (32) I ଆଜି କେନ୍ଦ୍ରୀୟ ବନାଞ୍ଚଳ ଅଧିକାରୀଙ୍କ ନିର୍ଦ୍ଦେଶକ୍ରମେ ବେଲଗୁଣ୍ଠା ସେକ୍ସନ୍ ବନପାଳ ଜି ଭେଙ୍କଟ ରାଓ ଦୋରାଙ୍କ ନେତୃତ୍ୱରେ ସୁତୁମୁସର ଠାରେ ଏହି ବୋଡ଼ା ସାପ ଖେଳାଳୀକୁ ଆଜି ଅପରାହ୍ଣ ତିନି ଘଣ୍ଟା ସମୟରେ ଗିରଫ କରାଯାଇଥିଲା । ଯୁବକଙ୍କ ନାମରେ 108/24 ରେ ଏକ ମାମଲା ରୁଜୁ କରାଯାଇଥିବା ବେଳେ ତାକୁ କୋର୍ଟଚାଲାଣ କରାଯିବ ବୋଲି ବନପାଳ ଜି ଭେଙ୍କଟ ରାଓ ଦୋରା ପ୍ରକାଶ କରିଛନ୍ତି ।

ରିପୋର୍ଟ- ସୁଶାନ୍ତ କୁମାର ବେହେରା