ଜନ୍ମ ଦିନରେ ରକ୍ତଦାନ କରି ସେବାର ବାର୍ତ୍ତା ଦେଲେ ଯୁବ ନେତା ।

ଭଞ୍ଜନଗର,  ୧୦/୧୨(ପିପିଟି):ଜଗନ୍ନାଥପ୍ରସାଦ ବ୍ଲକ କଲ୍ୟାଣପୁର ଠାରେ ଅଞ୍ଚଳର ଉତ୍ସାହି ଯୁବକମାନଙ୍କ ପକ୍ଷରୁ ଆୟୋଜିତ ରକ୍ତଦାନ କାର୍ଯ୍ୟକ୍ରମ ରେ ଗଂଜାମ ଜିଲା କଂଗ୍ରେସ ର ସାଧାରଣ ସଂପାଦକ ପ୍ରଶାନ୍ତ ବିଶୋୟୀ ନିଜ ଜନ୍ମ ଦିନ ଅବସରରେ ଯୁବକଙ୍କୁ ପକ୍ଷରୁ ଆୟୋଜିତ ଏହି ରକ୍ତଦାନ ଶିବିରରେ ଯୋଗ ଦେଇ ନିଜେ ରକ୍ତ ଦେବା ସହ ଅନ୍ୟ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ । ମାନବ ସେବାହିଁ ମାଧବ ସେବା । ରକ୍ତର ବିକଳ୍ପ ନଥିବା କାରଣରୁ ଯୁବକ ମାନେ ରକ୍ତ ଦାନ ଭଳି ମହତ କାର୍ଯ୍ୟ କୁ ଆପଣାଇବା ଦରକାର ବୋଲି ସେ ପ୍ରକାଶ କରିଛନ୍ତି । ତାଙ୍କ କଥାରେ ଅନୁପ୍ରାଣିତ ହୋଇ ଅଞ୍ଚଳର ଅନେକ ଯୁବକ ଯୁବତୀ ରକ୍ତଦାନ କରିଥିଲେ।ଏହି ଶିବିରରୁ ମୋଟ ୩୩ୟୁନିଟ ରକ୍ତ ସଂଗ୍ରହ କରାଯାଇଛି । ପ୍ରତାପୁର ସାହିତ୍ୟ ଘର ସଭାପତି ଗୌରୀଶଙ୍କର ରାୟଗୁରୁ, ଖଦାଳ ନାୟକ, ଶୁଭେନ୍ଦୁ ଗୌଡ଼, ସି ଏଚ ହରିଶ୍ଚନ୍ଦ୍ର ପାତ୍ର, ଜି କୃଷ୍ପ୍ରଧାନ, ଜଗନ୍ନାଥ ନାଇକ, ଆଖିଳକାନ୍ତ ମହାପାତ୍ର, ରମେଶ ଚନ୍ଦ୍ର ପାଢ଼ୀ, ପ୍ରମୁଖ ସହଯୋଗ କରିଥିଲେ । କାର୍ଯ୍ୟକ୍ରମ କୁ ଭାଗିରଥି ଗୌଡ଼ ଓ ଧନଞ୍ଜୟ ପଟ୍ଟନାୟକ ପରିଚାଳନା କରିଥିଲେ । ଭଞ୍ଜନଗର ମେଡ଼ିକାଲ ଅନିଲ କୁମାର ମାହାର, ଅବିନାଶ ପ୍ରଧାନ,ବିପିନ କୁମାର ପାଣିଗ୍ରାହୀ, ଗଗନ ବିହାରୀ ପ୍ରଧାନ, ସୀମାଞ୍ଚଳ ସେଠି, ପ୍ରଭାକର ମହାରଣା  ରକ୍ତ ସଂଗ୍ରହରେ ସହଯୋଗ କରିଥିଲେ ।

ରିପୋର୍ଟ -(ଜେ. କେ ପଟ୍ଟନାୟକ)