ମହିଳା ଏବଂ ଶିଶୁ କଲ୍ୟାଣ ନିର୍ଦ୍ଦେଶକ ମାଲକାନଗିରି ଗସ୍ତ ।

ମାଲକାନଗିରି।,୦୧/୦୯(ପିପିଟି): ମହିଳା ଏବଂ ଶିଶୁ କଲ୍ୟାଣ ବିଭାଗ ନିର୍ଦ୍ଦେଶକ ଲିଙ୍ଗରାଜ ପଣ୍ଡା ଏବଂ ତାଙ୍କ ସହ ତାଙ୍କ ସହ ରାଜ୍ଯ ପୋଷଣ ସଂଯୋଜିକା ଦୀପାଳି ଦାଶ ଓ ୟୁନିସେଫ୍ ସଂଯୋଜିକାଙ୍କ ଏକ ଦିନିଆ ମାଲକାନଗିରି ଗସ୍ତ କରିଥିଲେ । ଗସ୍ତ ସମୟରେ ମାଲକାନଗିର ଜିଲ୍ଲା ସଦର ମହକୁମା ରିକ୍ଲାମେସନ କୋଲନିରେ ଥିବା ଅଙ୍ଗନ ୱାଡି କେନ୍ଦ୍ରକୁ ଯାଇ ପୋଷଣ କାର୍ଯ୍ୟକ୍ରମରେ ଯୋଗ ଦବା ସହ ମାସିକ ପୁଷ୍ଟିକର କାର୍ଯ୍ୟକ୍ରମକୁ ଉଦଘାଟନ କରିଥିଲେ । ଏହା ବ୍ୟତୀତ ସେଠାରେ ଥିବା ପ୍ରାକ୍ ବିଦ୍ୟାଳୟର ଶିଶୁମାନଙ୍କ ସହ ମିଶିବା ସହିତ ଗର୍ଭବତୀ ,ପ୍ରସୂତି ଏବଂ ଅନ୍ୟ ମା’ମାନଙ୍କ ସହ ମିଶିଥିଲେ । ସେଠାରେ ମା’ମାନେ ପ୍ରସ୍ତୁତ କରିଥିବା ପୁଷ୍ଟିକର ଖାଦ୍ୟ ଓ ସବୁଜ ପନିପରିବା ,ମାଣ୍ଡିଆ ତିଆରି ବିଭିନ୍ନ ପ୍ରକାର ଖାଦ୍ୟ ଆଣି ପରସି ଥିଲେ । ଏହି କାର୍ଯ୍ୟକ୍ରମରେ ମାଲକାନଗିରି ଜିଲ୍ଲାପାଳ ବିଶାଳ ସିଂ,ଜିଲ୍ଲା ସମାଜ ମଙ୍ଗଳ ଅଧିକାରୀ ମମତା ଚୌଧରୀ , ପ୍ରୋଗ୍ରାମ ଅଫିସର ଇନ୍ଦିରା ପ୍ରଧାନ , ମାଲକାନଗିରି ସମନ୍ବିତ ଶିଶୁବିକାଶ ଯୋଜନା ଅଧିକାରୀ ବିପୁଳା କୁମାରୀ ସର୍ଦ୍ଦାର ସେକ୍ଟର ସୁପର୍ ଭାଇଜର୍ ରେଖା ଶୋଭାସୁନ୍ଦର ଓ ଅଙ୍ଗନୱାଡି କର୍ମୀ ବୀଣା ସିକଦାର ପ୍ରମୁଖ ଉପସ୍ଥିତ ଥିଲେ ।

(ରିପୋର୍ଟ: ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ, ମାଲକାନଗିରି)