ୟୁଡିଏ ରେ ଗୁରୁ ଦିବସ ପାଳନ ।

ଭଞ୍ଜନଗର, ୦୫/୦୯(ପିପିଟି) : ଆଜି ହେଉଛି ପବିତ୍ର ଗୁରୁ ଦିବସ।ତେଣୁ ସେହି ପୂଜ୍ୟ ଗୁରୁ ମାନଙ୍କ ଉତ୍ତମ ଶିକ୍ଷା ଓ ଆଶୀର୍ବାଦ ଦ୍ୱାରା ଆଜି ସେମାନଙ୍କ ଛାତ୍ରଛାତ୍ରୀ ମାନେ ଉପକୃତ ହେବା ସହ ସଫଳତା ର ଶୀର୍ଷରେ ପହଞ୍ଚି ନିଜ ପାଇଁ ଓ ନିଜ ଅଞ୍ଚଳ ପାଇଁ ଗୌରବ ଆଣି ଦେଇଛନ୍ତି।ଏହି ଅବସରରେ ଭଞ୍ଜନଗର ଅଞ୍ଚଳର ଅଗ୍ରଣୀ ନୃତ୍ୟ ଶିକ୍ଷାନୁଷ୍ଠାନ ୟୁନିକ ଡ୍ୟାନ୍ସ ଏକାଡେମୀରେ ମଧ୍ୟ ଆନନ୍ଦ ଉଲ୍ଲାସର ସହିତ ଗୁରୁ ଦିବସ ପାଳନ କରାଯାଇଛି।ଏଥିରେ ଅନୁଷ୍ଠାନର ସମସ୍ତ ଛାତ୍ରଛାତ୍ରୀମାନେ ସନ୍ଧ୍ୟାରେ ୟୁନିକ ଡ୍ୟାନ୍ସ ଏକାଡେମୀର ଗୁରୁ ମାଷ୍ଟର ପିଣ୍ଟୁ ବିଷୋୟୀ ଓ ପ୍ରମୋଦ କୁମାର ପରିଡ଼ାଙ୍କୁ ଧୂପ, ଦୀପ ଦେଇ ବନ୍ଦାପନା ପରେ ଆଶୀର୍ବାଦ ଭିକ୍ଷା କରିବା ସହ କେକ କାଟି ଏହି ଦିବସକୁ ସ୍ମରଣୀୟ କରିଥିଲେ।ଏହି କାର୍ଯ୍ୟକ୍ରମ ରେ ଅନୁଷ୍ଠାନର ବହୁ କୁନି କୁନି କଳାକାର ଓ ସେମାନଙ୍କର ଅଭିଭାବକ ମାନେ ସାମିଲ ହୋଇଥିଲେ।

ରିପୋର୍ଟ- (ଜେ.କେ ପଟ୍ଟନାୟକ)