ସ୍ୱତନ୍ତ୍ର ଶୀତକାଳୀନ ସେବା ଶିବିର ଉଦଯାପିତ ।

କୋଦଳା,୨୮/୧୨(ପିପିଟି):କୋଦଳା ଲକ୍ଷ୍ମୀ ନାରାୟଣ ସ୍ନାତ୍ତକ ମହାବିଦ୍ୟାଳୟ ଛାତ୍ରୀ ମାନଙ୍କୁ ନେଇ ପୋଷ୍ୟ ଗ୍ରାମ ଏସ ରାମଚନ୍ଦ୍ର ପୁର ଗ୍ରାମଠାରେ ଚାଲିଥିବା “ସ୍ୱତନ୍ତ୍ର ଶୀତକାଳୀନ ସେବା ଶିବିର “ଆଜି ଉଦଯାପିତ ହୋଇଯାଇଛି । ପ୍ରୋଗ୍ରାମ ଅଧିକାରୀ ଅଧ୍ୟାପିକା ସାଗରୀକା ଦାଶଙ୍କ ତତ୍ୱାବଧାନରେ ଆୟୋଜିତ କାର୍ଯ୍ୟକ୍ରମ ରେ ମହାବିଦ୍ୟାଳୟ ପରିଚାଳନା ପରିଷଦ ସଭାପତି ଏସ.ସୂର୍ଯ୍ୟ ନାରାୟଣ ଦୋରା ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ,ଅଧ୍ୟକ୍ଷ ରଘୁନାଥ ମୁଦୁଲି, ଅଧ୍ୟାପକ /ଅଧ୍ୟାପିକା ପ୍ରମୁଖ ଉପସ୍ଥିତ ରହି ଛାତ୍ରୀ ମାନଙ୍କ ଠାରୁ ଏହି ଶିବିର ର ଅନୁଭୂତି ଉପରେ ଆଲୋଚନା କରିବା ସହିତ ଗ୍ରାମର ଯେଉଁ ସମସ୍ୟା ମାନ ଥିଲା ତାହାର ସମାଧାନ ହୋଇଛି କି ନାହିଁ ତଦାରଖ କରି ଖୁସିବ୍ୟକ୍ତ କରିଥିଲେ। ସମସ୍ତ ଛାତ୍ରୀଙ୍କୁ ସେମାନଙ୍କ ସ୍ବେଛାକୃତ ସେବା ନିମନ୍ତେ ପ୍ରମାଣ ପତ୍ର ପ୍ରଦାନ କରିଥିଲେ ଓ ସାତ ଦିନ ଧରି ଚାଲିଥିବା ଏହି ଶିବିରକୁ ସୁଚାରୁ ରୂପେ ଚଳାଇଥିବାରୁ ପ୍ରୋଗ୍ରାମ ଅଧିକାରୀ ଅଧ୍ୟାପିକା ସାଗରୀକା ଦାଶଙ୍କୁ ଧନ୍ୟବାଦ ପ୍ରଦାନ କରିଥିଲେ ।

(ରିପୋର୍ଟ – ସୂର୍ଯ୍ୟ ନାରାୟଣ ବଡୁ ।)