ସ୍ବର୍ଗତ ନିରଞ୍ଜନ ସାହୁଙ୍କ ପ୍ରଥମ ଶ୍ରାଦ୍ଧବାର୍ଷିକ ଅବସରରେ ସ୍ମରଣିକା ଉନ୍ମୋଚନ।

ପୋଲସରା,୧୬/୦୨(ପିପିଟି) :ଅଞ୍ଚଳର ବିଶିଷ୍ଟ ଶିକ୍ଷାବିତ୍ ଏଵଂ ଆରଏମସି ଖଲ୍ଲିକୋଟର ପୂର୍ବତନ ମହାବିଦ୍ୟାଳୟ ଅଧ୍ୟକ୍ଷ ସ୍ବର୍ଗତ ନିରଞ୍ଜନ ସାହୁଙ୍କ ପ୍ରଥମ ଶ୍ରାଦ୍ଧବାର୍ଷିକୀ ଜଗନ୍ନାଥସାହି ସ୍ଥିତ ବାସଭବନ ଠାରେ ପୋଲସରା ନାଗରିକ ମଞ୍ଚର ସଭାପତି ତଥା ବରିଷ୍ଠ ଆଇନଜୀବୀ ପୂର୍ଣ୍ଣଚନ୍ଦ୍ର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି।ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପ୍ରଫେସର ଗୋଲକ ବିହାରୀ ନନ୍ଦ, ମୁଖ୍ୟବକ୍ତା ଭାବେ ପୋଲସରା ବିଜ୍ଞାନ ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷ ପ୍ରମୋଦ କୁମାର ରଥ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ବିଶିଷ୍ଟ ସମାଜସେବୀ ପ୍ରଭାକର ପଣ୍ଡା, ଯୁବ ସମାଜସେବୀ ଦୀପକ କୁମାର ପ୍ରଧାନ, ଡ଼.ଜ୍ୟୋତିର୍ମୟ ପଟ୍ଟନାୟକ, ରାଷ୍ଟ୍ରପତି ପୁରସ୍କାର ପ୍ରାପ୍ତ ଅବସର ପ୍ରାପ୍ତ ଶିକ୍ଷକ ରାଧା ଶ୍ୟାମ ପଣ୍ଡା,ଡ. ସଚ୍ଚିଦାନନ୍ଦ ମହାନ୍ତି, ପୂର୍ଣ୍ଣଚନ୍ଦ୍ର ରାୟଗୁରୁ, ଡ଼ା. ପୂର୍ଣ୍ଣଚନ୍ଦ୍ର ମହାରଣା, ଶିକ୍ଷାବିତ୍ ଭବାନୀ ଶଙ୍କର ରଥ, କାଉନସିଲର ସୁକାନ୍ତି ସାହୁ, ଅବସର ପ୍ରାପ୍ତ ପ୍ରଧାନ ଶିକ୍ଷକ ପ୍ରଭାକର ପ୍ରଧାନ ପ୍ରମୁଖ ଯୋଗଦେଇ ସ୍ବର୍ଗତ ସାହୁଙ୍କ ନୀତି ଆଦର୍ଶ, ଜୀବନ ଶୈଳୀ, ତାଙ୍କର ବିଭିନ୍ନ ଅନୁଷ୍ଠାନ ପ୍ରତି ଗୁରୁ ଦାୟିତ୍ୱ, ସ୍ୱାଭିମାନୀ ବ୍ୟକ୍ତିତ୍ୱ, ଶିକ୍ଷା ପାଇଁ ଜୀବନବ୍ୟାପୀ ସାଧୁ ଉଦ୍ୟମ ସମ୍ପର୍କ ରେ ଆଲୋକପାତ କରିଥିଲେ। ଏହି ଅବସରରେ ନିରଞ୍ଜନ ତୁମେ ଅମ୍ଳାନ ଶୀର୍ଷକ ଏକ ସ୍ମରଣିକା ସ୍ବର୍ଗତ ସାହୁଙ୍କ ସହଧର୍ମିଣୀ ତଥା ପ୍ରକାଶିକା ଡ଼ା. ସୁକାନ୍ତି ସାହୁ, ସୁପୁତ୍ର ଇଂ ନିହାରକାନ୍ତ ସାହୁ, ସୁକନ୍ୟା ନିହାରିକା ସାହୁ, ବାଣୀ ସାହୁ,ପ୍ରଶାନ୍ତ କୁମାର ସାହୁ, ଲଷ୍ମୀପ୍ରିୟା ସାହୁ,ଚିତ୍ତରଞ୍ଜନ ନାୟକ, ପ୍ରଣତି ନାୟକଙ୍କ ସହ ଵରେଣ୍ୟ ଅତିଥି ଙ୍କ ଉପସ୍ଥିତି ରେ ଉନ୍ମୋଚିତ ହୋଇଥିଲା। କାର୍ଯ୍ୟକ୍ରମ ପ୍ରାରମ୍ଭରେ ସ୍ୱର୍ଗତଙ୍କ ଫଟୋ ଚିତ୍ରରେ ଭକ୍ତିପୂତ୍ତ ଭାବେ ପୁଷ୍ପମାଲ୍ୟାର୍ପଣ ଏଵଂ ପ୍ରଦିପ ପ୍ରଜ୍ବଳନ କରି ଅତିଥିମାନେ କାର୍ଯ୍ୟକ୍ରମକୁ ଶୁଭ ଉଦଘାଟନ କରିଥିଲେ।ପୋଲସରା ବିଜ୍ଞାନ ମହାବିଦ୍ୟାଳୟର ଉଦ୍ଭିଦ ବିଜ୍ଞାନ ଅଧ୍ୟାପକ ତଥା ଯୁବ ଉପସ୍ଥାପକ ଦେବାଶିଷ ସ୍ୱାଇଁ ମଞ୍ଚ ପରିଚାଳନା କରିଥିବାବେଳେ ଆର. କାମରାଜୁ ପାତ୍ର, ରାଜେନ୍ଦ୍ର ପ୍ରସାଦ ମହାରଣା,ନୃସିଂହ କୁମାର ପାତ୍ର ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।ଶେଷରେ ବରିଷ୍ଠ ଅଧ୍ୟାପକ ପ୍ରଭାକର ପାଢ଼ୀ ଧନ୍ୟବାଦ ଅର୍ପଣ କରିଥିଲେ।

ରିପୋର୍ଟ- ସନ୍ତୋଷ କୁମାର ପଣ୍ଡା