ସ୍କୁଲରୁ ମୋଟର ଚୋରୀ- ଜଳ ଅଭାବରେ ୧୫୦ ଛାତ୍ରଛାତ୍ରୀ ପ୍ରଭାବିତ ।

ବେଲଗୁଣ୍ଠା ,୩୦/୧୧(ପିପିଟି): ଜଗନ୍ନାଥପ୍ରସାଦ ବ୍ଲକ ପାଟରାପଲ୍ଲୀ ଗୋବିନ୍ଦଦାସ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟରେ ଜଳ ଯୋଗାଣ ପାଇଁ ଲଗାଯାଇଥିବା ଦୁଇଟି ଦାମୀ ମୋଟର ଚୋରି ହୋଇଯାଇଥିବା ନେଇ ବେଲଗୁଣ୍ଠା ଥାନାରେ ଅଭିଯୋଗ ହୋଇଛି । କାର୍ତ୍ତିକ ପୁର୍ଣ୍ଣିମା ଅବସରରେ ବିଦ୍ୟାଳୟ ଛୁଟି ଥିବା ସୁଯୋଗ ନେଇ କେହି ଦୁର୍ବୁର୍ତ୍ତ ବିଦ୍ୟାଳୟ ପାଚେରୀ ଡେଇଁ ହତା ଭିତରୁ ଖୁବ କୌଶଳରେ ଦୁଇଟି ମୋଟର ଚୋରି କରିଛି ଯାହାର ମୂଲ୍ୟ ୪୦ ହଜାର ରୁ ଉର୍ଧ୍ଵ ଟଙ୍କା ହେବ ବୋଲି ପ୍ରଧାନ ଶିକ୍ଷକ ରମାକାନ୍ତ ନାୟକ ପ୍ରକାଶ କରିଛନ୍ତି । ମୋଟର ନଥିବା କାରଣରୁ ସ୍କୁଲ ରେ ଜଳଯୋଗାଣ ବନ୍ଦ ହୋଇପଡିଛି ଯାହା ଫଳରେ ବିଦ୍ୟାଳୟର ପ୍ରାୟ ୧୫୦ ଛାତ୍ରଛାତ୍ରୀ ପାଣିଟିକିଏ ପିଇବାକୁ ପାଇନଥିବା ବେଳେ ତିନିଦିନ ହେଲା ମଧ୍ୟାହ୍ନ ଭୋଜନ ପ୍ରସ୍ତୁତି ରେ ମଧ୍ୟ ଖୁବ ସମସ୍ୟା ଉପୁଜିଛି । ଏସମ୍ପର୍କରେ ସ୍କୁଲ ପରିଚାଳନା କମିଟି ସଭାପତି ଅରୁଣ ପଟ୍ଟନାୟକ ଓ ଗ୍ରାମବାସୀ ଏକାଠି ହୋଇ ଥାନାରେ ଲିଖିତ ଅଭିଯୋଗ କରିବା ସହ ଚୋରକୁ ଧରି ଦଣ୍ଡିତ କରିବା ଏବଂ ମୋଟର ଦୁଇଟି ଉଧାର କରିବାକୁ ଦାବି କରିଛନ୍ତି । ଗାଁ ର କୌଣସି ଯୁବକ ଏଭଳି କାଣ୍ଡ ଘଟାଇଥିବା ଗ୍ରାମବାସୀ ସନ୍ଦେହ କରିଛନ୍ତି ।