ସାନ ବରଗାଁ ,ଲିଙ୍ଗରାଜ ହାଇସ୍କୁଲରୁ ଚୋରି ।

ପୋଲସରା ,୧୯/୦୩(ପିପିଟି):ପୋଲସରା ବ୍ଲକ ନିମିନା ପଞ୍ଚାୟତ ଅଧୀନ ସାନ ବରଗାଁ ସ୍ଥିତ ଲିଙ୍ଗରାଜ ହାଇସ୍କୁଲ ରୁ ସୋମବାର ବିଳମ୍ବିତ ରାତିରେ ଚୋରି ହୋଇଛି |ଏନେଇ ପୋଲସରା ଥାନାରେ ଶିକ୍ଷକ ମାନେ ପୋଲସରା ଥାନାରେ ଲିଖିତ ଅଭିଯୋଗ କରିଛନ୍ତି |ସୂଚନା ଯୋଗ୍ୟ ଯେ ସୋମବାର ବିଳମ୍ବିତ ରାତିରେ ତିନିଜଣ ଯୁବକ ପୂର୍ବ ପ୍ରସ୍ତୁତି ବ୍ଲୁପ୍ରିଣ୍ଟ ଅନୁସାରେ ବିଦ୍ୟାଳୟ ପରିସରରେ ପହଂଚି ପ୍ରଥମେ ବିଦ୍ୟାଳୟ ରେ ଲାଗିଥିବା ସି ସି ଟିଭି ର ୱାଇର କାଟି ଥିଲେ ତାପରେ ବିଦ୍ୟାଳୟ ର ଉପର ମହଲା କୁ ଯିବାଲାଗି ସିଡିରେ ଲାଗିଥିବା ଗ୍ରିଲ କାଟି କମ୍ପୁଟର ରୁମ ରୁ ବହୁ ସରଞ୍ଜାମ ଲୁଟିନେଇଛନ୍ତି |ଏଥି ସହ ଗୋଟିଏ ସି ସି ଟିଭି କୁ ଭାଙ୍ଗିବା ସହ ବିଜ୍ଞାନ ପରୀକ୍ଷାଗାର ର କବାଟ ର କାଚ ମଧ୍ୟ ଭଙ୍ଗା ଯାଇଥିବା ଦେଖିବାକୁ ମିଳିଛି |ପୋଲିସ ଅଭିଯୋଗ ପାଇବା ପରେ ବିଦ୍ୟାଳୟ ରେ ପହଂଚି ତଦନ୍ତ କରିବା ସହ ସି ସି ଟିଭି ଫୁଟେଜ ସଂଗ୍ରହ କରିନେଇଛି |ଲୁଟେରା ମାନେ ହେଲମେଟ ପିନ୍ଧି ମୁହଁ ରେ ରୁମାଲ ପିନ୍ଧି ତିନିଜଣ ଏହି କାଣ୍ଡ ଘଟାଇଥିବା ସି ସି ଟିଭି ଫୁଟେଜ ରୁ ଜଣାପଡିଛି |ପୋଲିସ ପକ୍ଷରୁ ତଦନ୍ତ ଚାଲୁ ରହିଛି ।

ରିପୋର୍ଟ- ସନ୍ତୋଷ କୁମାର ପଣ୍ଡା