ସାତ ହଜାର ଉତ୍କୋଚ ନେ଼ଇ ଭିଜିଲାନ୍ସ୍ ଜାଲରେ ଧରାପଡିଲେ ଗାଙ୍ଗପୁର ରାଜସ୍ୱ ନୀରିକ୍ଷକ ପ୍ରଦୀପ ।

ବେଲଗୁଣ୍ଠା, ୨୫/୦୬(ପିପିଟି) : ଜୁନ୍ ମାସ ୨୫ ତାରିଖ ମଙ୍ଗଳବାର ୨୦୨୪ ଜନୈକ ବ୍ୟକ୍ତିଙ୍କ ଠାରୁ ଲାଞ୍ଚ ଗ୍ରହଣ କରୁ୍ଥିବା ବେଳେ ଭିଜିଲାନ୍ସ୍ ଟିମ୍ ହାତରେ ଧରାପଡ଼ି ଗିରଫ ହୋଇଛନ୍ତି ବେଲଗୁଣ୍ଠା ତହସିଲ୍ ଅନ୍ତର୍ଗତ ଗାଙ୍ଗପୁର ରଜସ୍ଵ ନୀରିକ୍ଷକ “ପ୍ରଦୀପ କୁମାର ଗୌଡ଼” I ସୁଚନା ପ୍ରକାରେ ଗାଙ୍ଗପୁର ଆର୍.ଆଇ ପ୍ରଦୀପ କୁମାର ଗୌଡ଼ ଜଣେ ବ୍ୟକ୍ତିଙ୍କ ପ୍ରପର୍ଟି ଭେଲ୍ୟୁଏସନ୍ ଏନକ୍ୱାରୀ ରିପୋର୍ଟକୁ ଦାଖଲ କରିବା ପାଇଁ ୭୦୦୦ ଟଙ୍କା ଲାଞ୍ଚ ଦାବି କରିଥିବା ଵ୍ରହ୍ମପୁର ଭିଜିଲାନ୍ସ୍ ନିକଟରେ ଅଭିଯୋଗ ହୋଇଥିଲା I ଏନେଇ ଆଜି ପୂର୍ବ ପ୍ରସ୍ତୁତି ମୁତାବକ ଶ୍ରୀ ଗୌଡ଼ଙ୍କ ଖେତ୍ରିୟବରପୁର କାର୍ଯ୍ୟାଳୟ ଉପରେ ଚଢ଼ାଉ କରି ତାଙ୍କ ଠାରୁ ନଗଦ ସାତ ହଜାର ଟଙ୍କା ଜବତ କରିବା ସହ ତାଙ୍କୁ ଗିରଫ କରି କୋର୍ଟଚାଲାଣ କରିଛି ଭିଜିଲାନ୍ସ ଟିମ I ଏନେଇ ବ୍ରହ୍ମପୁର ଭିଜିଲାନ୍ସ୍ ରେ ୦୯/୨୪ ରେ ଏକ ମାମଲା ରୁଜୁ ହେବା ସହ ଘଟଣାର ଅଧିକ ତଦନ୍ତ ଆରମ୍ଭ ହୋଇଛି I ଭିଜିଲାନ୍ସ୍ ଟିମ୍ ପ୍ରଦୀପ ଗୌଡ଼ଙ୍କ ଭଞ୍ଜନଗର ବ୍ଳକ୍ ଜିଲୁଣ୍ଡି ସ୍ଥିତ ବାସଭବନରେ ମଧ୍ୟ ଚଢ଼ାଉ କରିଥିବା ସୂଚନା ମିଳିଛି I

ରିପୋର୍ଟ- ସୁଶାନ୍ତ କୁମାର ବେହେରା