ସଡକ ସୁରକ୍ଷା ଓ ମୋଟରଯାନ ଆଇନ ସଚେତନତା କାର୍ଯ୍ୟକ୍ରମ ।

ଭଞ୍ଜନଗର, ୧୬/୦୨(ପିପିଟି) :  ଭଞ୍ଜନଗର ଅତିରିକ୍ତ ଜିଲ୍ଲା ଜଜ ତଥା ତାଲୁକା ଆଇନ ସେବା କମିଟି ଅଧ୍ୟକ୍ଷ ଦେବଦତ୍ତ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଗାଲେରୀ ସ୍ଥିତ ଦଣ୍ଡପାଣି ମହାରଥା ବିଜ୍ଞାନ ମହାବିଦ୍ୟାଳୟରେ ସଡ଼କ ସୁରକ୍ଷା ମୋଟର ଯାନ ଆଇନ ବିଷୟରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏଥିରେ ତାଳୁକା ଆଇନ ସେବା କମିଟିର ସଦସ୍ୟା ଅଳକା ମଞ୍ଜରୀ ପଟ୍ଟନାୟକ ଅତିଥିଙ୍କ ପରିଚୟ ପ୍ରଦାନ କରିବା ସହ ସ୍ବାଗତ ଭାଷଣ ପ୍ରଦାନ କରିଥିଲେ । ସେହିପରି ଏସଡ଼ିଜେଏମ ସୌମ୍ୟ ରଞ୍ଜନ ପୃଷ୍ଟି ମୋଟର ଯାନ ଆଇନ ଉପରେ ଆଲୋକପାତ କରିଥିଲେ। କାର୍ଯ୍ୟକ୍ରମରେ ତାଲୁକ୍ ଆଇନ ସେବା କମିଟିର ସଦସ୍ୟ ଡ଼ ପୂର୍ଣ୍ଣଚନ୍ଦ୍ର ତ୍ରିପାଠୀ ସଡ଼କ ସୁରକ୍ଷା ଓ ଟ୍ରାଫିକ ନିୟମ ଉପରେ ଆଲୋକପାତ କରିଥିଲେ। ସେହିପରି ଜେଏମଏଫସି ଭେଇନା ନାୟକ ମୋଟର ଯାନ ଆକ୍ଟରେ ଉଲ୍ଲେଖ ଥିବା ଆଇନ ଉଲଂଘନକାରି ନିମିତ୍ତ ଦଣ୍ଡ ବିଧାନ ନିୟମ ଉପରେ ଛାତ୍ରଛାତ୍ରୀଙ୍କୁ ସଚେତନତା କରାଇଥିଲେ। ଏହି କାର୍ଯ୍ୟକ୍ରମରେ ତାଳୁକା ଆଇନ ସେବା କମିଟି, ଭଂଜନଗର ଅଧ୍ୟକ୍ଷ ଶ୍ରୀ ଦେବଦତ୍ତ ପଟ୍ଟନାୟକ ମୋଟର ଦୁର୍ଘଟଣା ସମ୍ପର୍କିତ ଉଚ୍ଚତମ ନ୍ୟାୟାଳୟଙ୍କ ଦ୍ଵାରା ପ୍ରଣୀତ ଅନ୍ୟାନ୍ୟ ଆଇନ ବିଷୟରେ ବର୍ଣ୍ଣନା କରିଥିଲେ। ସେହିପରି ଏମଭିଆଇ ଶର୍ମିଲା ମହାରଣା ଦୁର୍ଘଟଣାରେ ପ୍ରାଣ ହରାଇଥିବା କିମ୍ବା ଗୁରୁତର ଲୋକଙ୍କ ନିମିତ୍ତ ସରକାର ଯୋଜନା ବିଷୟରେ ବର୍ଣ୍ଣନା କରି କିଭଳି ମୋଟର ଦୁର୍ଘଟଣା ହାରକୁ କମାଯାଇ ପାରିବ ସେ ବିଷୟ ଉପରେ ଆଲୋଚନା କରିଥିଲେ। ମହାବିଦ୍ୟାଳୟର ଅଧ୍ୟକ୍ଷ ସୁଶାନ୍ତ ନାୟକ ଧନ୍ୟବାଦ୍ ଅର୍ପଣ କରିଥିଲେ। ଏହି କାର୍ଯ୍ୟକ୍ରମକୁ ଆଦିତ୍ୟ ନାରାୟଣ ରଥ ଏବଂ ମହାବିଦ୍ୟାଳୟ ଅନ୍ୟାନ୍ୟ କର୍ମଚାରୀ ଓ ପୋଲିସ କର୍ମଚାରୀ ସହଯୋଗ କରିଥିଲେ ।

ରିପୋର୍ଟ- (ଜେ.କେ ପଟ୍ଟନାୟକ)