ସଂସ୍କୃତ ଭାସ୍କର ସମ୍ମାନ ପାଇଲେ ସଚ୍ଚିଦାନନ୍ଦ।

ଭଞ୍ଜନଗର, ୩୧/୦୩(ପିପିଟି):ସଦାଶିବ ପରିସର ପୁରୀ ଠାରେ ରବିବାର ବିଶ୍ୱ ସଂସ୍କୃତ ସମ୍ମିଳନୀ ଅନୁଷ୍ଠିତ ହୋଇଯାଇଛି।ଏଥିରେ ସଂସ୍କୃତ ଭାଷାର ଉନ୍ନତି ଏବଂ ପ୍ରଚାର ଓ ପ୍ରସାର ନିମନ୍ତେ ଅହରହ ଉଦ୍ୟମ କରିଥିବା ଓଡ଼ିଶାର ୩୦ଜଣ ସଂସ୍କୃତ ଶିକ୍ଷକଙ୍କୁ ପୁରସ୍କୃତ କରାଯାଇଛି।ସେଥି ମଧ୍ୟରେ ଗଞ୍ଜାମ ଜିଲ୍ଲାର୭ଜଣ ରହିଛନ୍ତି।ସେହିପରି ଭଞ୍ଜନଗର ବ୍ଲକ ତିଳିସିଙ୍ଗିର ବିପ୍ରଚରଣ ଉଚ୍ଚ ବିଦ୍ୟାଳୟର ଶିକ୍ଷକ ସଚ୍ଚିଦାନନ୍ଦ ଦାସଙ୍କୁ ସଂସ୍କୃତ ଭାସ୍କର ସମ୍ମାନରେ ସମ୍ମିଳନୀର ଅନ୍ତଃ ରାଷ୍ଟ୍ରୀୟ ଅଧ୍ୟକ୍ଷ ଡ଼. ସଦାନନ୍ଦ ଦୀକ୍ଷିତ ସମ୍ମାନିତ କରିଥିଲେ।ସଂସ୍କୃତ ମାତାର ନିରବଚ୍ଛିନ୍ନ ସେବା କରିଥିବା କାରଣରୁ ଶିକ୍ଷକ ଶ୍ରୀ ଦାସ ଧନ୍ୟବାଦର ପାତ୍ର ବୋଲି ଅନ୍ତଃ ରାଷ୍ଟ୍ରୀୟ ସମ୍ପାଦକ କହିବା ସହ ତାଙ୍କର ଉଜ୍ବଳ ଭବିଷ୍ୟତ କାମନା କରିଥିଲେ।ଶ୍ରୀ ଦାସ ଏହି ସମ୍ମାନର ଅଧିକାରୀ ହୋଇ ବିଦ୍ୟାଳୟ ଓ ସ୍ଥାନୀୟ ଅଞ୍ଚଳ ପାଇଁ ଗୌରବ ଆଣିଥିବାରୁ ତାଙ୍କୁ ପ୍ରଧାନଶିକ୍ଷକଙ୍କ ସମେତ ଅନ୍ୟାନ୍ୟ ଶିକ୍ଷକ, ଶିକ୍ଷୟିତ୍ରୀ ଓ ବିଦ୍ୟାଳୟର କର୍ମଚାରୀ ମାନେ ଶୁଭେଚ୍ଛା ଜଣାଇଛନ୍ତି।

ରିପୋର୍ଟ- (ଜେ.କେ ପଟ୍ଟନାୟକ)