ଲୁଟ ଘଟଣାରେ ଦୁଇ ଗିରଫ ।

ଭଞ୍ଜନଗର,୧୧/୦୯(ପିପିଟି): ଗଂଜାମ ଜିଲ୍ଲା ତାରସିଂ ଥାନା ଅଧୀନ ଗାୟାଗଣ୍ଡ ରୋଡ଼ରେ ଗତ ଜୁଲାଇ ୨୨ ତାରିଖରେ ଗୁଣ୍ଡୁରୀବାଡ଼ି ଗ୍ରାମର ଦିଲ୍ଲୀପ କୁମାର ପାତ୍ର ନାମକ ଜଣେ ବେପାରୀଙ୍କ ଠାରୁ ୩୦ ହଜାର ଟଙ୍କା ଲୁଟ ହୋଇଥିଲା। ଏ ନେଇ ଦିଲ୍ଲୀପ ତାରସିଂ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଆଧାର କରି ପୋଲିସ କେସ ନମ୍ବର ୧୭୯/୨୧ ରେ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଥିଲା। ଶନିବାର ଉକ୍ତ ମାମଲାରେ ପୋଲିସ ୨ଜଣ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି। ଅଭିଯୁକ୍ତ ଦୁଇ ଜଣ ହେଲେ ଜାମପଲିର ସୁନୀଲ ସାବତ ଓ ବେଲଗୁଣ୍ଠାର ଉଗ୍ରସେନ (ବାବୁ) । ଏଥି ସହିତ ସେମାନଙ୍କ ନିକଟରୁ ନଗଦ ୫ହଜାର ଟଙ୍କା ଓ ଏକ ସ୍କୁଟି ଜବତ କରାଯାଇଥିବା ବେଳେ ଅଭିଯୁକ୍ତ ମାନଙ୍କ ନାମରେ ବିଭିନ୍ନ ଅପରାଧିକ ମାମଲା ରହିଥିବା ଥାନାଧିକାରୀ ପ୍ରଦୀପ୍ତ କୁମାର ଦାସ ସୂଚନା ଦେଇଛନ୍ତି ।

(ରିପୋର୍ଟ- ଜୟକୃଷ୍ଣ ପଟ୍ଟନାୟକ। )