ଲଷ୍ମୀନାରାୟଣ ସ୍ନାତ୍ତକ ମହାବିଦ୍ୟାଳୟରେ କ୍ରିକେଟ ପ୍ରତିଯୋଗିତା ।

କୋଦଳା,୧୭/୧୨(ପିପିଟି):କୋଦଳା ଲଷ୍ମୀନାରାୟଣ ସ୍ନାତକ ମହାବିଦ୍ୟାଳୟ,ପରିସରରେ “ଯୁବ ଓଡିଶା ନବୀନ ଓଡିଶା” ତରଫରୁ ଚାଲିଥିବା କ୍ରୀଡା ପ୍ରତିଯୋଗିତାର ଆଜି ଦ୍ଵିତୀୟ ଦିବସ । ଆଜି ଥିଲା ଛାତ୍ର ମାନଙ୍କ କ୍ରିକେଟ ପ୍ରତିଯୋଗିତା । ମହାବିଦ୍ୟାଳୟ ଅଧ୍ୟକ୍ଷ ରଘୁନାଥ ମୁଦୁଲିଙ୍କ ତତ୍ୱାବଧାନରେ ଆୟୋଜିତ କ୍ରିକେଟ ପ୍ରତିଯୋଗିତା କାର୍ଯ୍ୟକ୍ରମକୁ ପରିଚାଳନା କମିଟି ସଭାପତି ସୂର୍ଯ୍ୟନାରାୟଣ ଦୋରା ଛାତ୍ର ମାନଙ୍କ ସହିତ କରମର୍ଦ୍ଦନ କରି ଉଦଘାଟନ କରିଥିବା ବେଳେ ଯୁବ ଓଡିଶା ନବୀନ ଓଡିଶା ଏକ ସଫଳ କାର୍ଯ୍ୟକ୍ରମ ବୋଲି କହିଥିଲେ ଅଧ୍ୟକ୍ଷ ରଘୁନାଥ ମୁଦୁଲି । ଅଧ୍ୟାପକ ବିଷ୍ଣୁ ନାରାୟଣ ସେଠୀ, ରଞ୍ଜୁବାଳା ନନ୍ଦ,ସାଗର ଚାନ୍ଦ ପାତ୍ର, ରତ୍ନାକର ପ୍ରଧାନ,କାହ୍ନୁ ଚରଣ ସ୍ୱାଇଁ, ଭବାନୀ ଶଙ୍କର ଆଚାର୍ଯ୍ୟ ସାଗରିକା ଦାଶ, ପି ସତ୍ୟନାରାୟଣ ପାତ୍ର,କାଁହୁ ଚରଣ ସ୍ୱାଇଁ,ମନୀଷା ପତ୍ତ୍ନିକ,ସୁସ୍ମିତା ମହାପାତ୍ର, ଭୁବନେଶ୍ୱରୀ ରାୟସାମନ୍ତ ରତ୍ନାକର ପ୍ରଧାନ ସମେତ ଅଣଶିକ୍ଷକ ବୃନ୍ଦ ସହଯୋଗ କରିଥିଲେ । ସ୍ନାତ୍ତକ ଛାତ୍ର ମାନେ ୫ଟି ଦଳରେ ବିଭକ୍ତ ହୋଇ କ୍ରୀଡା ପୋଷାକ ପରିଧାନ କରି ଖେଳିଥିଲେ । କ୍ରୀଡା କାର୍ଯ୍ୟକ୍ରମ ନୋଡାଲ ଅଧିକାରୀ ଅଧ୍ୟାପକ ଡାକ୍ତର ପ୍ରଦୀପ କୁମାର ପଣ୍ଡାଙ୍କ ତତ୍ୱାବଧାନରେ ସୁଚାରୁ ରୂପେ ସମାପନ ହୋଇଥିଲା ।

(ରିପୋର୍ଟ- ସୂର୍ଯ୍ୟନାରାୟଣ ବଡୁ। )