ରାଷ୍ଟ୍ରୀୟ ନବବର୍ଷରେ ବିଶାଳ ଗଣଦୈାଡ ରାଷ୍ଟ୍ରୀୟ ଭାବନା ନିକଟରେ ନାହିଁ ବୟସର ତାରତମ୍ୟ ।

0 297

ବାସୁଦେବପୁର,୩୦/୦୩: ରାଷ୍ଟ୍ରୀୟ ଭାବନା ନିକଟରେ ନାହିଁ ବୟସର ତାରତମ୍ୟ । ବୟସର ଅପରାହ୍ନ ଓ ଧୂଳିଘର ଠାରୁ ବେଶ ବଳୀୟାନ ହୋଇଛି ରାଷ୍ଟ୍ରୀୟ ଚିନ୍ତା ଓ ଚେତନା । ଗଣଦୈାଡରେ ସାମିଲ ହୋଇ କବି ତଥା ବିଜେପିର ବରିଷ୍ଠ ନେତା ଦୀନବନ୍ଧୁ ପତି ଓ ସ୍ୱସ୍ତିକ ପଣ୍ଡା ଗଣଦୈାଡରେ ସାଜିଥିଲେ ମୁଖ୍ୟ ଆର୍କଷଣ । ସ୍ୱସ୍ତିିକଙ୍କୁ ଏବେ ତିନିବର୍ଷ ସାତ ମାସ ଚାଲିଛି । ଅନ୍ୟମାନଙ୍କ ପରି ଗଣଦୈାଡରେ ନିଜକୁ ହଜାଇ ଦେଇଥିଲେ ସ୍ୱସ୍ତିକ । ନବନିର୍ମାଣ ସେନା ଓ ଭାରତୀୟ ସଂସ୍କୃତି ପ୍ରଚାର ସମିତି ପକ୍ଷରୁ ବିଶାଳ ଗଣଦୌାଡ ଅନୁଷ୍ଠିତ ହୋଇଯାଇଛି । ଏହି ଅବସରରେ ସ୍ଥାନୀୟ ଯାଦବ ପଡିଆ ଠାରୁ ଗଣଦୈାଡ ବାହାରି ସହର ପରିକ୍ରମା କରିବା ପରେ ହନୁମାନ ବାଟିକା ଠାରେ ପହଞ୍ଚିଥିଲା । ସଦର ଏସଡିପିଓ ବିଚିତ୍ରାନନ୍ଦ ସେଠୀ ପତାକା ଦେଖାଇ ଆନୁଷ୍ଠାନିକ ଭାବରେ ଗଣଦୈାଡ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଏହି ଅବସରରେ ବିଜେପି ଜିଲ୍ଲା ଉପସଭାପତି ଉଦୟ ନାରାୟଣ ମଲ୍ଲିକ,ବରିଷ୍ଠ ନେତା ଅଶୋକ ସାହୁ,ଯୁବନେତା ମହେଶ୍ୱର ଧଳ, ମଧୂସୂଦନ ପାଢୀ,ହେମନ୍ତ ସନ୍ଧିବିଗ୍ରହ, ଆଇନଜିବୀ ନୀରଦ ଦାଶ,କାଉନସିଲର ଜଗବନ୍ଧୁ ଦାସ,ସଞ୍ଜୟ ପାତ୍ର,ଜୟପ୍ରକାଶ ମଲ୍ଲିକ,ଲିକୁନୁ ଦଳେଇ,ରଶ୍ମିରଞ୍ଜନ ପଲେଇପ୍ରମୁଖଙ୍କ ସହିତ ଜନସାଧାରଣ ମାନେ ଯୋଗ ଦେଇଥିଲେ । ଥାନା ଧିକାରିଣୀ ଲୋପାମୁଦ୍ରା ନାୟକଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଶାନ୍ତିଶୃଙ୍ଖଳା ରକ୍ଷା କରାଯାଇଥିଲା ।

Leave A Reply

Your email address will not be published.