ରାଜ୍ୟ ତାଇକଣ୍ଡୋ ସଂଘର କାର୍ଯ୍ୟନିର୍ବାହୀ ସଦସ୍ୟ ଭାବେ ନିର୍ବାଚିତ ହେଲେ ଏହେସାସ ହୋତା ।

ଉଲୁଣ୍ଡା ,୦୯/୦୩(ପିପିଟି):ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଅଞ୍ଚଳର ଯୁବକ ଆନ୍ତର୍ଜାତୀୟ ତାଇକଣ୍ଡୋ କ୍ରୀଡାବିତ ତଥା କୋଚ ଏହେସାସ ହୋତା ରାଜ୍ୟ ତାଇକଣ୍ଡୋ ସଂଘର କାର୍ଯ୍ୟନିର୍ବାହୀ ସଦସ୍ୟ ଭାବେ ନିର୍ବାଚିତ ହୋଇଛନ୍ତି । ମଙ୍ଗଳବାର ପୁରୀ ସଂସ୍କୃତି ଭବନ ସମ୍ମିଳନୀ କକ୍ଷରେ ଆୟୋଜିତ ବାର୍ଷିକ ସଭା ତଥା ନିର୍ବାଚନରେ ଏହେସାସ ନିର୍ବାଚିତ ହୋଇଛନ୍ତି । ଜାତୀୟ ତାଇକଣ୍ଡୋ ସଂଘ(ଟିଏଫଆଇ) ପକ୍ଷରୁ ଦିଲ୍ଲୀ ତାଇକଣ୍ଡୋ ସଂଘର ଯୁଗ୍ମ ସଂପାଦକ ଅଜୟ କୁମାର ଦଲାଲଙ୍କୁ ଏହି ନିର୍ବାଚନ ପରିଚାଳନା ତଥା ତଦାରଖ ଦାଇତ୍ୱ ଦିଆଯାଇଥିଲା । ଓଟିଏ ବାଇ-ଲ ଅନୁସାରେ ୧୬ ଗୋଟି ପଦ ପାଇଁ ନିର୍ବାଚନ ପ୍ରକ୍ରୀୟା ଘୋଷଣା କରାଯାଇଥିଲା । ଏହି ନିର୍ବାଚନରେ ବ୍ୟୋମକେଶ ଅଭିଳାଷ ପ୍ରସାଦ ସଭାପତି ଏବଂ ମନମୋହନ ଭଂଜ ସାଧାରଣ ସଂପାଦକ ନିର୍ବାଚିତ ହୋଇଥିବାବେଳେ ଅନ୍ୟ କାର୍ଯ୍ୟକାରୀ ସଦସ୍ୟଙ୍କ ମଧ୍ୟରେ ଯୁବ କ୍ରୀଡାବିତ ଏହେସାସ ହୋତା ନିର୍ବାଚିତ ହୋଇଛନ୍ତି । ସମସ୍ତ ନିର୍ବାଚିତ ପ୍ରତିନିଧିମାନଙ୍କୁ ସ୍ୱାଗତ କରାଯିବାସହ ଆଗାମୀ ଦିନରେ ଓଡିଶାରେ କିଭଳି ତାଇକଣ୍ଡୋର ପ୍ରଚାର ପ୍ରସାର ଦିଗରେ କାମକରାଯିବ ସନେଇ ଏହି ସଭାରେ ଗୁରୁତ୍ୱ ଦିଆଯାଇଥିଲା । ଏବେ ଏହେସାସ ରାଜ୍ୟ ତାଇକଣ୍ଡୋ ସଂଘର କାର୍ଯ୍ୟନିର୍ବାହୀ ସଦସ୍ୟ ଭାବେ ନିର୍ବାଚିତ ହେବାପରେ ସୁବର୍ଣ୍ଣପୁର ଜିଲ୍ଲାର କ୍ରୀଡାବିତ ମହଲରେ ଖୁସିର ମାହୋଲ ଖେଳିଯିବା ସହ ଏହେସାସଙ୍କୁ ବିଭିନ୍ନ ମହଲରୁ ସ୍ୱାଗତ କରାଯାଇଛି ।

ରିପୋର୍ଟ -ଶାନ୍ତନୁ କୁମାର କର୍ଣ୍ଣ