ଯୁବ ରେଡକ୍ରସ୍ ପକ୍ଷରୁ ଶୂନ ଦୁର୍ଘଟଣା ଜନିତ ମୃତ୍ୟୁ ସପ୍ତାହ ପାଳନ ।

କୋଦଳା,୦୭/୧୨(ପିପିଟି):ମଙ୍ଗଳବାର କୋଦଳା ଲଷ୍ମୀ ନାରାୟଣ ଉଚ୍ଚ ମାଧ୍ୟମିକ ବିଦ୍ୟାଳୟ ଯୁବ ରେଡକ୍ରସ୍ ଶାଖା ଆନୁକୁଲ୍ୟରେ ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷ ଡଃ ଦତ୍ତାରାମ ବିଶୋଇ ଙ୍କ ତତ୍ୱାବଧାନ ରେ “ଶୂନ ଦୁର୍ଘଟଣା ଜନିତ ମୃତ୍ୟୁ ସପ୍ତାହ ” ପାଳନ ହୋଇଯାଇଅଛି। କଲେଜ ବୈଠକ ଗୃହ ଠାରେ ଏହାର ବିଷୟ ବସ୍ତୁ ଉପରେ ଛାତ୍ର ଛାତ୍ରୀଙ୍କୁ ନେଇ ଏକ ଆଲୋଚନା ସଭା ଅନୁଷ୍ଠିତ ହୋଇଥିବା ବେଳେ, ଜନସାଧାରଣଙ୍କୁ ସଚେତନ କରିବା ଉଦ୍ଦେଶ୍ୟ ନେଇ ଛାତ୍ରଛାତ୍ରୀ ସଚେତନ ସମ୍ପର୍କିତ ଲେଖାଥିବା ପ୍ଲାକାର୍ଡ ଧରି କୋଦଳା ଗ୍ରାମ ପରିକ୍ରମା କରିଥିବା ଜଣାପଡିଛି । ଏଥି ସହିତ,”ଯୁବ ଓଡିଶା ନବୀନ ଓଡିଶା କ୍ରୀଡା ବିଭାଗ ତରଫରୁ ହାଇ ଜମ୍ପ, ଲଙ୍ଗ ଜମ୍ପ ପ୍ରତିଯୋଗିତା ଅନୁଷ୍ଠିତ ହେଇଯାଇଛି। ଉଭୟ କାର୍ଯ୍ୟକ୍ରମରେ ନୋଡାଲ ଅଫିସର ହୃଷୀକେଶ ପ୍ରହରାଜ,କାର୍ଯ୍ୟକ୍ରମ ଅଧିକାରୀ ଆଦିତ୍ୟ ପ୍ରସନ୍ନ ମହାପାତ୍ର, ସରୋଜ କୁମାର ଆଚାର୍ଯ୍ୟ, ସୁଦେଶ୍ନା ପ୍ରଧାନ, ସୁନୀତା ପାଣ୍ଡୀ, ସ୍ବେଛାସେବୀ ଛାତ୍ର ଛାତ୍ରୀ ଏବଂ ପ୍ରତିଯୋଗୀଙ୍କ ସକ୍ରିୟ ସହଯୋଗ ରେ ସୂଚାରୁ ରୂପେ ଅନୁଷ୍ଠିତ ହୋଇଯାଇଛି ।

(ରିପୋର୍ଟ – ସୂର୍ଯ୍ୟ ନାରାୟଣ ବଡୁ ।)