ମୁଜାଗଡ଼ରେ ମନ ମୋହିଲା ୟୁଡିଏର ସାଂସ୍କୃତିକ କାର୍ଯ୍ୟକ୍ରମ ।

ଭଞ୍ଜନଗର, ୧୩/୦୯(ପିପିଟି) : ଭଞ୍ଜନଗର ବ୍ଲକ ମୁଜାଗଡ଼ ଠାରେ ମଙ୍ଗଳ ମୂର୍ତ୍ତି ୟୁଥ କ୍ଲବ ପକ୍ଷରୁ ବେଶ ଆଡ଼ମ୍ବର ସହକାରେ ଅଗ୍ରପୂଜ୍ୟ ପ୍ରଭୁ ଗଜାନନଙ୍କର ପୂଜା ପାଳନ କରାଯାଉଛି।ଏହି ଅବସରରେ ଗୁରୁବାର ଭଞ୍ଜନଗରର ଅଗ୍ରଣୀ ନୃତ୍ୟାନୁଷ୍ଠାନ ୟୁନିକ ଡ୍ୟାନ୍ସ ଏକାଡେମୀ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।ଏହାକୁ ମୁଜାଗଡ଼ ପୂର୍ବତନ ସରପଞ୍ଚ ଶିବ ଶଙ୍କର ପ୍ରଧାନ କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ।ସମ୍ମାନିତ ଅତିଥି ଭାବେ ରିଓ ଚାରିଟେବୁଲ ଟ୍ରଷ୍ଟ ର ପ୍ରତିଷ୍ଠାତା ରାହୁଲ ସ୍ୱାଇଁ,ୟୁନିକ ଡ୍ୟାନ୍ସ ଏକାଡେମୀର ମୁଖ୍ୟ ଜୟକୃଷ୍ଣ ପଟ୍ଟନାୟକ, ମାଷ୍ଟର ପିଣ୍ଟୁ ଓ ମାଷ୍ଟର ପ୍ରମୋଦ ଯୋଗ ଦେଇଥିଲେ।ଜିତେନ କାର୍ଯ୍ୟକ୍ରମର ସଂଯୋଜନା କରିଥିଲେ।ମୁଜାଗଡ଼ ପଞ୍ଚାୟତରେ ଶାନ୍ତି ଶୃଙ୍ଖଳା ଓ ଏକତା ବଜାୟ ରହିଲେ ଆଗକୁ ଅଞ୍ଚଳର ବିକାଶ ଘଟିବା ସହ ଏମିତି ଅନେକ କାର୍ଯ୍ୟକ୍ରମ ସମ୍ଭବ ହୋଇ ପାରିବ ବୋଲି ଶ୍ରୀ ପ୍ରଧାନ କହିଥିଲେ।ଏହାପରେ ୟୁଡିଏର ଜୁନିଅର ଓ ସିନିଆର ଛାତ୍ରଛାତ୍ରୀମାନେ ନୃତ୍ୟ ଦ୍ୱାରା ଦର୍ଶକଙ୍କ ମନ ମୋହିଥିଲେ।ୟୁଥ କ୍ଲବର କର୍ମକର୍ତ୍ତା ଶିବ ଶଙ୍କର ପ୍ରଧାନ,ବଳରାମ ସାହୁ, ଦିପୁ ଡାକୁଆ, ସରୋଜ ବିଷୋୟୀ, ଅଜୟ ନାୟକ, ମଣ୍ଟୁ ନାୟକ, ଗଙ୍ଗା ଗୌଡ଼, ପପୁ ଡାକୁଆ, ରାଜୀବ ଦାସ, ମଣ୍ଟୁ ମିଶ୍ର ଓ ଅନ୍ୟମାନେ ସହଯୋଗ କରିଥିଲେ।ବିଳମ୍ବିତ ରାତ୍ରି ପର୍ଯ୍ୟନ୍ତ ଆଖପାଖ ଅଞ୍ଚଳର ବହୁ ଜନସାଧାରଣ ଏହାକୁ ଉପଭୋଗ କରିଥିଲେ।

ରିପୋର୍ଟ- (ଜେ. କେ ପଟ୍ଟନାୟକ)