“ମାଣ୍ଡିଆରାଣୀ”ରାଇମତି ଘିଉରିଆଙ୍କୁ ଡକ୍ଟରେଟ ଉପାଧି ।

ଭୁବନେଶ୍ୱର,୦୫/୧୨:ଜୈବିକ ପଦ୍ଧତିରେ ଚାଷକାର୍ଯ୍ୟ କରିବା ସହ ଜଣେ ସଫଳ ମହିଳା ମାଣ୍ଡିଆ ଚାଷୀ ଭାବେ ପରିଚିତ ହୋଇଛନ୍ତି ରାଇମତି ଘିଉରିଆ । ସାରା ରାଜ୍ୟରେ ସେ ‘ମାଣ୍ଡିଆରାଣୀ’ ଭାବେ ପରିଚିତ । ରାଇମତି ଘିଉରିଆଙ୍କୁ ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟର ୪୦ତମ ସମାବର୍ତ୍ତନ ଉତ୍ସବରେ ସମ୍ମାନ ସୂଚକ ଡକ୍ଟରେଟ ଉପାଧିରେ ସମ୍ମାନିତ କରାଯାଇଛି । ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦ୍ଵାରା ସେ ଏହି ସମ୍ମାନରେ ସମ୍ମାନିତ ହୋଇଛନ୍ତି । ସମ୍ମାନିତ ହୋଇଥିବାରୁ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛା ଓ ଶୁଭକାମନା ପ୍ରଦାନ କରାଯାଇଛି ।