ମହୁଲପଲ୍ଲୀ ସ୍ମଶାନ ନିକଟରୁ ଏକ ନର କଙ୍କାଳ ଜବତ କଲା ହିଞ୍ଜିଳି ପୋଲିସ ।

ହିଞ୍ଜିଳିକାଟୁ ,୨୪/୦୯ (ପିପିଟି) ହିଞ୍ଜିଳିକାଟୁ ଥାନା ଅଧୀନ ମହୁଲପଲ୍ଲୀ ଗ୍ରାମ ସ୍ମଶାନ ନିକଟ ପଡିଆରୁ ଜଣେ ଯୁବକଙ୍କ ନର କଙ୍କାଳ ହିଞ୍ଜିଳି ପୋଲିସ ଉଦ୍ଧାର କରିବା ସହ ଜବତ କରିଛି । ପୋଲିସ ସୂଚନା ପ୍ରକାରେ ଯୁବକ ଜଣଙ୍କ ଗୋଳନ୍ଥରା ଥାନା ପଦ୍ମପୁର ଗ୍ରାମର ପ୍ରତାପ ଦାସ ବୋଲି ଜଣାପଡିଛି । ପ୍ରତାପ ଗୁରୁବାର ଦିନ ଠାରୁ କେଉଁ ଆଡେ ଚାଲିଯାଇଥିବା ତାଙ୍କ ସ୍ତ୍ରୀ ରୁନୁ ଦାସ ଗୋଳନ୍ଥରା ଥାନାରେ ଅଭିଯୋଗ କରିଥିଲେ। ଆଜି ରବିବାର ତା ୨୪/୦୯ ରିଖ ହଠାତ ହିଞ୍ଜିଳି ଥାନା ମହୁଲପଲ୍ଲି ଗ୍ରାମର ସ୍ମଶାନ ପଡିଆରୁ ପ୍ରତାପଙ୍କ କଙ୍କାଳ ଉଦ୍ଧାର ହୋଇଛି । ନିକଟରେ ଥିବା ଏକ ଗଛରେ ଗାମୁଛା ମାଧ୍ୟମରେ ବାନ୍ଧି ହୋଇ ରହିଥିବା ଖବର ପାଇ ହିଞ୍ଜିଳି ପୋଲିସ ଘଟଣା ସ୍ଥଳରେ ପହଞ୍ଚି ଉକ୍ତ କଙ୍କାଳକୁ ଉଦ୍ଧାର କରିଥିଲେ ।ଉଦ୍ଧାର ସ୍ଥଳ ପାଖରୁ ମୋବାଇଲ , ଯୁବକଙ୍କ ପ୍ୟାଣ୍ଟ ଓ ଆକ୍ଟିଭା ସ୍କୁଟି ଜବତ କରିଛି । ଏହି ସୂଚନାକୁ କେନ୍ଦ୍ର ହିଞ୍ଜିଳି ପୋଲିସ ଅପମୃତ ମାମଲା ୨୪/୨୩ ପ୍ରକାରେ ରୁଜ କରିବା ସହ ମୃତ୍ୟୁ ର କାରଣ ଜାଣିବା ପାଇଁ ତଦନ୍ତ ଜାରି ରଖିଛି ।

ରିପୋର୍ଟ-ଅଜିତ କୁମାର ପଟ୍ଟନାୟକ